نوحه لری خرم آبادی - غرقَ خین و بی دس کُر ام البنینه
متن شعر نوحه لُری غرق خین با گویش خرم آبادی
متن نوحه غرق خین با گویش لری خرم‌آبادی
غرقَ خین و بی دس کُر ام البنینه
فرق اشکسه چی امیرالمومنینه
اشکسه دِ داغش قلـب حسین و زینب
فاطمه د مرگش میزنه وِسر و سینه
صد وِ مثل یوسف دِ آرزو وصالش
ماه میگرده دور نور رخ جمالش
حسی داره چش و ایثار بی مثالش
مجنون د عشقش حسین نازنینه
رت که آو بیاره سی اهل بیت حیدر
تشنه زَه وِ آو و تشنه د آو زیه در
آو نهرده سقا وِ یاد لوء اصغر
تشنه چش وِ رشن رقیه و سکینه
هر دو دس سقا آخر د تن جدا بی
قوت علی شیر مین دشمنیا بی
قد کر زهرا د غم تو دوتا بی
که دل حسی چی چشیا تو پر د خینه
شاه هر دو عالم بوسه زیه وِ دسیاش
بی دس بی و تیر زن وِ مشک آو و چشیاش
وِ شماره هیرو افتا خط نفسیاش
سرو قد رعناش نقش د صدر زینه
سقای تو زینب دِی ورنگشت وِ خیمه
او دلاور مه شیر نترس تشنه
د غم تو عباس مه رود رود و ویمه
زینب مه بی تو کی روز خوش میینه
بگریو تو زینب سی شیر بی قرارم
بگریو که بی کس بیمه اُ بی برارم
بگریو که کُل بی شمشیر ذوالفقارم
پیکر پناهم بی جو و ری زمینه
نظرات (۰)
هیچ نظری هنوز ثبت نشده است