نوحه ترکی نوحه زینبیم نهر فرات اوسته سپهداریم اولوب حاج محمدباقر منصوری
دانلود صوتی نوحه ترکی نوحه زینبیم نهر فرات اوسته سپهداریم اولوب با نوای حاج محمدباقر منصوری اردبیلی
زینبیم نهر فرات اوسته سپهداریم اولوب
کسیلوب قوللاری غیرتلی علمداریم اولوب
قره معجر باشووا باغلا باجی
گیت اوتور قارداشووا آغلا باجی
متن نوحه زینبیم نهر فرات اوسته سپهداریم اولوب
زینبیم نهر فرات اوسته سپهداریم اولوب
کسیلوب قوللاری غیرتلی علمداریم اولوب
قره معجر باشووا باغلا باجی
گیت اوتور قارداشووا آغلا باجی
یارالار سینه سینون اوسته گلستان کیمیدی
او قدر اوخ توخانوب جسمی نیستان کیمیدی
گوزلروندن ایراق اولسون او قدرداش وورولوب
پیکری شان شان اولوب زلف پریشان کیمیدی
قره معجر باشووا باغلا باجی
گیت اوتور قارداشووا آغلا باجی
داش دگوب آلنینا گل صورتینه قان توکولوب
ساحل معرفته فکر ایله مرجان توکولوب
آیریلوب عضولری قارداشیمون پیکردن
ایله بیل آیه به آیه یره قرآن توکولوب
قره معجر باشووا باغلا باجی
گیت اوتور قارداشووا آغلا باجی
باشا چیخماز بیلورم باجی بلاسی باشیمون
ئولمینجک قوروماز چشمه‌لری گوز یاشیمون
مین ائیل عمریم اگر اولسا سویا حسرت باخارام
سو کنارینده سوسوز جانی چیخوب قارداشیمون
قره معجر باشووا باغلا باجی
گیت اوتور قارداشووا آغلا باجی
لایق شانی ابوالفضلیمه غم بزمی قورون
گیینوز قاره ادبلن دیزی اوسته اوتورون
آناسی ام بنینون عوضینده ملشون
سینه‌سی پارچالان قارداشیما سینه وورون
قره معجر باشووا باغلا باجی
گیت اوتور قارداشووا آغلا باجی
باشین آلدیم سینمین اوسته دیدیم جان قارداش
قیزلاریم گوزلروون قانینه قربان قارداش
گوردوم آهسته دیور آی گوزیمون نوری حسین
ئولورم باشیمون اوسته اوخی قرآن قارداش
قره معجر باشووا باغلا باجی
گیت اوتور قارداشووا آغلا باجی
دیدیم آچ گوزلرووی وصلوه حسرت چکورم
او گوزل گوزلرووه باخماقا منت چکورم
ممکن اولسا دیدی سنده گوزووی باغلا حسین
یوزیمه باخما الیم بوشدی خجالت چکورم
قره معجر باشووا باغلا باجی
گیت اوتور قارداشووا آغلا باجی
آغلیوب یاره لرین قلبیمی یارما ئولورم
گوز یاشیلان بو بیابانی سووارما ئولورم
سنی ویرّم قسم اللرده ئولن فاطمیه
منی اکبر کیمی اخیامه آپارما ئولورم
قره معجر باشووا باغلا باجی
گیت اوتور قارداشووا آغلا باجی
قلم اولسیدی یازاردیم علمون سینه سینه
سوزلریم اود توکه اهل حرمون سینه سینه
گوردی دشمن منی قولسوز باشیما وردی عمود
یوزی اوستونده یخلدیم ننمون سینه سینه
قره معجر باشووا باغلا باجی
گیت اوتور قارداشووا آغلا باجی
( حسین غفاری اردبیلی )
نظرات (۰)
هیچ نظری هنوز ثبت نشده است