نوحه سوزناک عمه جان درده درمان گلوبدی سوگلوم خسته یولدان گلوبدی حاج محمدباقر منصوری
دانلود صوتی نوحه ترکی سوزناک عمه جان درده درمان گلوبدی سوگلوم خسته یولدان گلوبدی با صدای حاج محمدباقر منصوری اردبیلی
نوحه ترکی سوزناک زبانحال حضرت رقیه (س) و احوالات خرابه از محمدباقر منصوری
متن نوحه عمه جان درده درمان گلوبدی
عمه جان درده درمان گلوبدی
سوگلوم خسته یولدان گلوبدی
گوز یاشیلا گُلاب حاضر ایله
لبلرینده بابام قان گلوبدی
ای منیم یار و غمخواریم عمه
دور سفردن گلوب یاریم عمه
شاه عالمدی بو نازنین باش
هاردادی بس علمداریم عمه
کام آلونجا بو یورقون قوناقدان
جان گلوب تنگه دوشدوم ایاقدان
سن طبقدن گوتور قانلی باشی
من اوپوم پارچالانمیش دودقدان
توختاماز قلب بیماریم عمه
درده گلدی دلِ زاریم عمه
شاه عالمدی بو نازنین باش
هاردادی بس علمداریم عمه
هی دیریدیم بابام کاش گلیدی
هیچ دیمزدیم کسیک باش گلیدی
گلدی یورقون بابام کاش عمومدا
بو کسیک باشه یولداش گلیدی
گور نه پوزگوندی پرگاریم عمه
یولدادی چشم بیداریم عمه
شاه عالمدی بو نازنین باش
هاردادی بس علمداریم عمه
من پوزولدوم جگر داغلاماقدان
سن یورولما بی بی آغلاماقدان
وار نه حظّی مگر روزگارین
منتظر گوزلری باغلاماقدان
باغلا بو چشم خونباریم عمه
بسدی بو نیمه دیداریم عمه
شاه عالمدی بو نازنین باش
هاردادی بس علمداریم عمه
من نه لَر چکمیشم بو باش اوسته
یاتمیشام تپراقاوسته داش اوسته
سن دیردون عزیزیم آز آغلا
من دیردیم گوز اوسته باش اوسته
گور نه گرم اولدی بازاریم عمه
خُرد اولوب دُرّ شهواریم عمه
شاه عالمدی بو نازنین باش
هاردادی بس علمداریم عمه
ساربانلار بابامی یوروبلار
فاطمه قلبینی یاندیروبلار
الله الله شَل اولسون اولارکی
بو باشین آلنینا داش ویروبلار
دلده وار درد بسیاریم عمه
آفته دوشدی گلزاریم عمه
شاه عالمدی بو نازنین باش
هاردادی بس علمداریم عمه
سن قلینجا بی بی شَب نمازین
من یوروم قوی بابامین بوغازین
ویر اوپوم خیزران یاره سیندن
آرتیریم عشقیمن امتیازین
بوردا یوخ یار و انصاریم عمه
ئوز بابامدی هواداریم عمه
شاه عالمدی بو نازنین باش
هاردادی بس علمداریم عمه
میزبانم بو مهمان منیمدی
ئولمگه نوبت الآن منیمدی
یاز قَرا پرچمه بو شعاری
هیئت خردسالان منیمدی
قوی چوخ اولسون هواداریم عمه
دور سفر دن گلوب یاریم عمه
شاه عالمدی بو نازنین باش
هاردادی بس علمداریم عمه
(حاج ولی اله کلامی)
نظرات (۰)
هیچ نظری هنوز ثبت نشده است