نوحه ترکی ای کربلانون ساقی عطشانی قارداش حاج محمدباقر منصوری
نوحه ترکی ای کربلانون ساقی عطشانی قارداش با صدای حاج محمد باقر منصوری اردبیلی
نوحه ترکی حضرت عباس از حاج محمد باقر منصوری
ای کربلانون ساقی عطشانی قارداش
آچ گوزلرون سن بیل رقیّم جانی قارداش
گوزلر سنی اولدوزلاریم
قربانون اولسون قیزلاریم
ای وای ابوالفضل لای لای ابوالفضل
متن نوحه ای کربلانون ساقی عطشانی قارداش
ای کربلانون ساقی عطشانی قارداش
آچ گوزلرون سن بیل رقیّم جانی قارداش
گوزلر سنی اولدوزلاریم
قربانون اولسون قیزلاریم
ای وای ابوالفضل لای لای ابوالفضل
زیبا آدوندور سینمون زرّین مدالی
باشون یاراسی قان ویرور قلبیم مثالی
تل اوسته زینب گوزلیور یاتما یارالی
آغلاتما اللرده ئولن زهرانی قارداش
غمدن اسور زانولری
قارداش سینوب پهلولری
ای وای ابوالفضل لای لای ابوالفضل
مجروح اولوب سینون سورونمه خسته خسته
سن سیز نجه بوردان گیدیممن تلّین اوسته
قیزلار دوروبلار تلّین اوسته دسته دسته
گوز یولدا قویما دستة طفلانی قارداش
گوزلر باخور یوللاریوه
قربان اولوم قوللاریوه
ای وای ابوالفضل لای لای ابوالفضل
عمریمده هرگز دویمادیم شیرین سوزوندن
بیر بوسیه چوخ مایلیدیم گول یوزوندن
مندن قاباق پیکان ئوپوبدی ساق گوزوندن
اولسون گوروم ویرانه بو دنیانی قارداش
تنها امیدیم سن منیم
قولسوز شهیدیم سن منیم
ای وای ابوالفضل لای لای ابوالفضل
عشقون یقینیم وار اولار عالمده رایج
سندن آلار کیم دردمند اولسا نتایج
سس ویر منه تک قالمیشام باب الحوائج
سیندیرما بو بیکس قالان سلطانی قارداش
قیزلاریما دلواپسم
دشمن چالور اَل بیکسم
ای وای ابوالفضل لای لای ابوالفضل
باش اگمیوبسن عرصه ده تزویر و زوره
زیبا جمالون غرق اولوب آیات نوره
جسمون مَوَرَّقدور عزیزیم سوره سوره
گویا بولوبلر مین یره قرآنی قارداش
هر عضو جسمون آیه دور
آدون منه سرمایه دور
ای وای ابوالفضل لای لای ابوالفضل
(حسین غفاری اردبیلی)
نظرات (۰)
هیچ نظری هنوز ثبت نشده است