مداحی حاج محمدباقر منصوری نوحه ترکی الهی گیتدی اصغریم شفق قارالدی گلمدی
نوحه ترکی زیبا و سوزناک الهی گیتدی اصغریم از حاج محمدباقر منصوری ، الهی گیتدی اصغریم شفق قارالدی گلمدی
مداحی سوزناک ترکی حاج محمدباقر منصوری برای حضرت علی اصغر (ع)
متن نوحه الهی گیتدی اصغریم
الهی گیتدی اصغریم شفق قارالدی گلمدی
اورکده قالدی اللریم شفق قارالدی گلمدی
گلیلی گیتدی ای خدا سوسوز قالان ملر قوزوم
بو ایوده کی خانملیقیم آدیم سانیم دادیم دوزوم
باتردی ماتمه منی سحر باتان دان اولدوزوم
او گیتدی سیندی شهپریم شفق قارالدی گلمدی
او غول نشانه سین دوتار گوز اوسته بینوا ننه
منه قالان نشانه ده یتیشدی دست دشمنه
یاناندا خیمه قالمادی اقلی بوش بشیک منه
اوجالدی باشدان اللریم شفق قارالدی گلمدی2
سالوب فراته عکسینی بو گویده کی ستار ه لر
ایوین دوتوق قیافه سی یارالی قلبی یار ه لر
بو کهکشانون آغ یولی ویرور منه نشانه لر
او یول گیدوب کبوتریم شفق قارالدی گلمدی
یواش یواش بلند اولور و حوشون عرضه روضه سی
قبیلنون گلور سسی گلینلری عجوزه سی
چوخی دالیندا صود امر الینده بیر سو کوزه سی
منیم غزاله بنذریم شفق قارالدی گلمدی2
بو دوشلریم سیزیلتیسی که نسگیل اولدی دیللره
اذیّتی قالان دگیل نه آیلارا نه ئیللره
دوشومده حبس اولان صودیم آدیمی سالدی دیللره
دلیمده اولدی ازبریم شفق قارالدی گلمدی
کیچن گیجه یانانمدی سینمده ماه منظریم
سو اولمادی فقط قوری حرارت امدی اصغریم
او گیتدی ایندی بو گیجه دولوب صودیله دوشلریم
یانور بو قلب مضطریم شفق قارالدی گلمدی2
باخانمورام فراته من ز بس چتیندی گوز داغی
گرگ گیدوب مدینه ده یووام بو قانلی قنداقی
آد اولدی دیللر ازبری سوز اولدی سینه دوستاقی
بو کولدی سینه دفتریم شفق قارالدی گلمدی
دیدیم بالام امیکلسه دولاشماز ال ایاقیمه
عروسون اکبری قوناق چاغورام اوز اتاقیمه
دل آچسا خوش صفا ایدر گلوب گیدن قوناقیمه
دیل آچمادی دلاوریم شفق قارالدی گلمدی
نظرات (۰)
هیچ نظری هنوز ثبت نشده است