نوحه ترکی دیوب اوخ سو مشگیمه یا حسین با صدای حاج محمدباقر منصوری
نوحه ترکی دیوب اوخ سو مشگیمه یا حسین با صدای حاج محمدباقر منصوری اردبیلی
دیوب اوخ سو مشکیمه یا حسین
یری واردی آغلیا قان گوزوم
علمیم یاتوبدی هرایه گل
سنی آختارور نگران گوزوم
متن نوحه دیوب اوخ سو مشکیمه یا حسین
دیوب اوخ سو مشگیمه یا حسین
یری واردی آغلیا قان گوزوم
علمیم یاتوبدی هرایه گل
سنی آختارور نگران گوزوم
---------
او گونی که امّ بنین آنام
منی سالدی نازیله مهدیمه
آقا بیلمیشم سنی حق ویروب
درجات عالیه جهدیمه
هر ایکی الیم کسیلوب ولی
گنه پای بندم ئوز عهدیمه
منه مه جمالون عیان ایله
که اولوب قان آلتدا نهان گوزوم
منه صود ویروبدی آنام سنون
ئولنه کیمی سوزیوه باخام
ئولورم مطیع اوامرم
فقط ایستورم یوزیوه باخام
ئوز الونله گوزلریمون قانین
سیله سن آلا گوزیوه باخام
نه گوزلدی ایسته دیگین گوره
یومولا دوباره همان گوزوم
خوش اولار ادبلی غلامیلر
آقا سسلیوب ئوله لر آقا
اودی سسلورم سنی تا هامی
بو محبّتی بوله لر آقا
باشیم اوسته گل ولی آغلاما
سنه قورخورام گوله لر آقا
گولن اولسا ایلرم آرزو
دای آچلمیا یومولان گوزوم
آپاراندا قان منی مرکبیم
آتا بلمدی قدم آغلادی
سو توکولدی تپراقین اوستونه
پارا مشگیمه علم آغلادی
اوجالوبدی فاطمه شیونی
بالا وای دیدی ننم آغلادی
آنامون یوزون گوره بیلمورم
اودی هی سَپور یره قان گوزوم
گرک عاشقین گوزونون یاشین
بیله حالدا ئوزگه سی سیلمه سین
باشیم اوسته گلسن اگر آقا
ایله گل رقیّه ده بیلمه سین
عموسوندان ایله مسون گیله
آنامون وقاری کیچیلمه سین
باخا بیلمز آل پیمبرین
یوزونه بو اشکی روان گوزوم
دیمورم که افسر ارشدم
قوشون ایچره صاحب منصبم
دیمورم امیر سپاهیوم
حرم نگاره مقرّبم
آنام اهلبیته کنیزیدور
من ئوزومده خادم زینبم
قسم آه اصغره حاضرم
اولا مین خدنگه نشان گوزوم
گوروم هیچ مجاهده من کیمی
ره عشقیده ستم اولماسون
منه نوشیدور بو بلا حسین
اورگونده زرّه غم اولماسون
یارالی باشا باخوب آغلاما
کمرون بو غمده خم اولماسون
منی اوندا غیرتیم ئولدورر
سنی گورسه قدّی کمان گوزوم
******
حاج ولی اله کلامی
نظرات (۰)
هیچ نظری هنوز ثبت نشده است