نوحه قوناقوزام عزالیام اوخ آتمیون یارالیام با صدای حاج نادر جوادی

دانلود صوت کامل نوحه ترکی قوناقوزام عزالیام اوخ آتمیون یارالیام با صدای حاج نادر جوادی محرم سال 1391 - همراه با پخش آنلاین و متن کامل نوحه

قوناقوزام عزالیام اوخ آتمیون یارالیام
بو قانلی دستمازیله قویون قیلوم نمازیمی
کسون سوسوز بوغازیمی 

متن نوحه قوناقوزام عزالیام اوخ آتمیون یارالیام

قوناقوزام عزالیام
اوخ آتمیون یارالیام
بو قانلی دستمازیله
قویون قیلوم نمازیمی
کسون سوسوز بوغازیمی

.
.

منی بو دشت محنته اولده دعوت ایلدوز
حدود حقّدن چخوب خلاف بیعت ایلدوز
قوناقوزه سو وئرمدوز بویوک جسارت ایلدوز
غم اهلیم نوالیام – قویون قیلوم …

.
.

واریمدی کردگاریله بو انقلابه بیعتیم
گرک باتام قزل قانا دوشه کمنده عترتیم
شیریندی شهدیدن منه بو دشتیده شهادتیم
من عهدیمه وفالیام – قویون قیلوم …

.
.

مین اوخ دگه وجودیمه صواب عشقی ساتمارام
وصالیمون قرارینی نگاریلن یوباتمارام
باشیم گیده الیم گیده یزیده ال اوزاتمارام
بو امره ادّعالیام – قویون قیلوم …

.
.

شهادت اهل حقّیچون گوزل حیات عشقیدور
حسینه سیز ووران یارا محسّنات عشقیدور
حقیقتی گورن بولر مقدّرات عشقیدور
که من باشی بلالیام – قویون قیلوم …

.
.

دیانت اهلی سوز اگر یزیده دینی ساتمیون
سرشگ آل حیدری ستمله قانه قاتمیون
آدامسیزام کومکسیزم اوخ آتمیون داش آتمیون
یارالیام یارالیام – قویون قیلوم …

.
.

یوخومدی راه حقّیدن سَوا یولا گرایشیم
بو قانلی قتلگاهیدور محلّ آزمایشیم
گرک اولا نگاریله بو عرصه ده نیایشیم
من عبد ذوالجلالیام – قویون قیلوم …

.
.

حسینه صود وئرن آنا شرفلیدور عفیفه دور
نمازی قائم ایلمک بو گون منه وظیفه دور
آخان قانیم ولایته مرکّب صحیفه دور
گورون کیم ام هارالیام – قویون قیلوم …

.
.

ترحّم ایلیون منه انیس و یاوریم گئدوب
ئولوب گوزل جوانلاریم وزیرِ لشگریم گیدوب
شهید اولوب بو جبهه ده الیمدن اکبریم گیدوب
غریب و دست خالیام – قویون قیلوم …

.
.

دوتوب وجود پاکیمی شرارۀ ستم یانور
بلای عشقه دمبدم دلیم وئرور رقم یانور
خِیَمده گوزلیور منی بنات محترم یانور
قبیله دن آرالیام – قویون قیلوم …

.
.

ووراندا «سیفی» هر زمان رقم بو بیر مصیبته
دییر فدا اولوم حسین او ساعته او حالته
بو یردن اشتیاقیله او بی حیا جماعته
اوخ آتمیون یارالیام – قویون قیلوم 

شاعر: سیفی اردبیلی