نوحه جسمی دور یا باغیلیب مقتله قرآن یارالی حاج نادر جوادی
نوحه ترکی قدیمی و سوزناک جسمی دور یا باغیلیب مقتله قرآن یارالی داغیلان جسموه زینب اولا قربان یارالی با صدای حاج نادر جوادی دانلود با لینک مستقیم و پخش آنلاین
نوحه ترکی جسمی دور یا باغیلیب مقتله قرآن یارالی حاج نادر جوادی محرم سال 1389
جسمی دور یا باغیلیب مقتله قرآن یارالی
داغیلان جسموه زینب اولا قربان یارالی
آی آنام فاطمه نون لالة خونین کفنی
نه گناه اوسته سالوبلار بیله احواله سنی
هانسی الده ئولنون غارت اولوب پیرهنی
گون شاخار پیکروین اوستونه جان جان یارالی
سینووی قانه باتان لاله لره تای دیرم
نَقَدر عمریم اگر اولسا حسین وای دیرم
قمچی لر ویرسه امان من سنه لای لای دیرم
سس قوشار زینبووه دشت و بیابان یارالی
کعبه نون داشلاری آغلار یارالی پیکرووه
زمزمون چشمه سی گریاندی سوسوز لبلرووه
یولونان ساچلاریمی قوی دوشیوم بسترووه
یات پریشان ساچین اوستونده پریشان یارالی
اوجالار حشره کیمی ناله نیستانلاردا
یارالارون کیمی گول یوخدی گلستانلاردا
قالدی افسوس اولا وحشتلی بیابانلاردا
پیکرون نصّ حقیقت کیمی عریان یارالی
شهدا زنده دیلر امر ایلیوب ذات حمید
مدرک زنده بو اظهاریمه قرآن مجید
زنده سن اشک یتیمانیده ای صبح امید
عرشی ایلر اودی هر قطره سی لرزان یارالی
حضرت حق سنه هر مرحله پشتیباندی
آیه آیه سنی تحسین ایلین قرآندی
من کیمم ؟ عاشق اصلی آدووا سبحاندی
باغلیدی بیر توکوه عالم امکان یارالی
بویانوب فکر ایلمه قالدی عزا بزمی گیجه
زینبون یاخشی بیلورسن سنه عاشقدی نجه
قسمت اولسا سنون ئوز آدووه لایق بو گیجه
دوتارام خیمه ده بیر شام غریبان یارالی
یری واردی سنه وجدان مصوّر دیه لر
مدرکیم وار سوزیمی ردّ ایلین اولسا اگر
نیه باشون کسیلن وقتیده پس تشنه جگر
نوحه غیرت اوخودی آغلادی وجدان یارالی
گوره بیلمز بشرین هر نئی ظاهرده گوزی
اولوالابصار فقط درک ایده شاید بو سوزی
قطره دریایه دوشندن صورا دریادی ئوزی
وصل اولوب اصله اولار بحر خروشان یارالی
الده جان نقدی حسین حامی قرآن اولدون
ربّی اَرنی دیمه میش ناظر سبحان اولدون
جان ویرندن صورا سن حضرت جانان اولدون
قوری یرلرده چیخان جانووه قربان یارالی
نجه عیسی حالینا ایندی ده مریم آلیشور
نجه عباسیمون احوالینه علقم آلیشور
باخورام سینووه خیمون کیمی سینم آلیشور
کول منیم باشیمه یوخ دردووه درمان یارالی
شاعر: حسین غفاری اردبیلی
نظرات (۰)
هیچ نظری هنوز ثبت نشده است