روضه سوزناک حاج سلیم موذن زاده برای حضرت علی اصغر - حرمله اوخلارین آتموشدی اگر چه چوخونی

روضه ترکی سوزناک حاج سلیم موذن زاده برای حضرت علی اصغر علیه السلام - حرمله اوخلارین آتموشدی اگر چه چوخونی

حرمله اوخلارین آتموشدی اگر چه چوخونی

آزمودیدی وراردی اوزاقی هم یوخونی

چخادوب قویدی کمانه او ذخیره اوخونی

اوخ نه اوخ ، سینه نه سینه که قلم شرح ویره

قاتل اصغر و سقا ، دیزینی ویردی یره

متن نوحه

وقت او وقتیدی که ریحان کیمی سولموشدی حسین

اوغلی قارداشی دوشوب یادینا دولموشدی حسین

ایلیوب نیزه سینه تکیه یورولموشدی حسین

تک سلیمانیدی ، میدان دولی اهریمنیدی

دورین آلموشدی جماعت ، هاموسی دشمنیدی

بیر شل اولموش او زمان آلنینا بیر اوخ ویردی

حضرت فاطمه نون قلبون او اوخ یاندیریدی

نه الیندن دوتانی اولدی ، نه ده قان دوردی

قوزادی پیرهنین تا سیله گوزدن او قانی

سیلمه میش سسلدیلر صود امری اوخلیانی

حرمله اوخلارین آتموشدی اگر چه چوخونی

آزمودیدی وراردی اوزاقی هم یوخونی

چخادوب قویدی کمانه او ذخیره اوخونی

اوخ نه اوخ ، سینه نه سینه که قلم شرح ویره

قاتل اصغر و سقا ، دیزینی ویردی یره

تیترین اللریله سالدی نشانی ترازا

دیدی بیر اوخدی بو اوخ دوده گرک قبر قازا

ویرمشام مثلینی بیر سجده گهه ، بیر بوغازا

چله دن آیریلوب اوخ گویده دیدی واویلا

دیسگنوب تلیده زینبده دیدی یا زهرا

الغرض هر نئیدی دگدی او پیکان هدفه

سینه دن چخمادی باخدی آقا سمت نجفه

قدین اگدی آپاروب اللرینی دال طرفه

داغلی دیلدن اوخی چکدی دل زهرا یاندی

پرلری تیزیدی شاید الیده دوغراندی

یازا بیلمم نه حالا حجت رحمان دوشدی

اسدی بیر قورخولی یل دللره طوفان دوشدی

دیدی معناده رقیه : بابام آتدان دوشدی

مروه عشقه چاتوب بیت محبت حاجیسی

حاجی تقصیر ایلینده باخا بیلمز باجیسی