نوحه محرمون گلدی آقا یاحسین شیعه لرون گیدی قرا یا حسین حاج سلیم موذن زاده
دانلود صوتی نوحه محرمون گلدی آقا یا حسین عاشق لرون گیدی قرا یا حسین با صدای حاج سلیم موذن زاده اردبیلی محرم سال 1372 همراه با متن نوحه و پخش آنلاین
محرمون گلدی آقا یا حسین
شیعه لرون گیدی قرا یا حسین
حسین حسین جان حسین
جان سنه قربان حسین
نوحه محرمون گلدی آقا یا حسین حاج سلیم موذن زاده اردبیلی محرم سال 1372
متن نوحه محرمون گلدی آقا یا حسین
محرمون گلدی آقا یا حسین
شیعه لرون گیدی قرا یا حسین
حسین حسین جان حسین
جان سنه قربان حسین
ای آدی گوشوارهٔ عرش برین
چکدی سنون نازیوی روح الامین
سینهٔ زهرا گُلوسن بی قَرین
سنله جهان تاپدی صفا یاحسین
سایه وی کسمه باشیمیزدان آقا
امتون اولدی ئورگی قان آقا
کرب و بلایه ائله مهمان آقا
سنده دی بو درده دوا یاحسین
یاسه گلوب حسینی لرسربه سر
باشین آچوب دلدن حسین وای دیر
مسجد و محرابه قرا چکدیلر
عالَم اولوب بزم عزا یاحسین
ناله ائدور گویده ملکلر سنه
اهل ولا یرده گلوب شیونه
آز قالور آفت یتشه گلشنه
غنچه لرون پرپر اولا یاحسین
فاطمه جنتده اورک داغلوری
اوغلی حسینون حالنا آغلوری
باشینه بوغمده قرا باغلوری
دلدن ائدور آه ونوا یاحسین
ائیل دولانوب ماه محرم گلوب
نالیه عرش اهلی دمادم گلوب
دسته لر الده قره پرچم گلوب
موج ائدوری بحر بلا یاحسین
ای سو کنارینده سوسوز جان وئرن
جاننی جانانینه عطشان وئرن
دینینه یتمیش ایکی قربان وئرن
ای ایلین عهده وفا یاحسین
وار یری شیعه سنه دلدن یانا
چون بدنون یاره سی گلمز سانا
قتلگه ایچره بویانوبسان قانا
اورک یاراسینه یارا یاحسین
یاره دگنده دل ناشادیوه
اولمادی بیر کس یتشه دادیوه
گلدی حسین جان باجون امدادیوه
سسلدی دور یاندیم اخا یاحسین
«شاجری» یاز نوحه حسینه مدام
یازدیقیوی دفتره ائت انضمام
دردیوی یالوار دئ آقایه تمام
عرض ایله ای کان سخا یاحسین
شاعر: شاجری زنجانی
نظرات (۰)
هیچ نظری هنوز ثبت نشده است