حاج جواد رسولی زنجانی نوحه ترکی گنه یاران داشدی بحر بلا
مداحی و نوحه خوانی حاج جواد رسولی زنجانی
محرم گلدی عزا گلدی نوحه ترکی محرم
گنه یاران داشدی بحر بلا،
شاه کرب و بلا،
یاسی باشلاندی
خانم زهرا سالدی باشه قرا،
سیدالشهدا، یاسی باشلاندی
محرم گلدی عزا گلدی
یره گویلردن صدا گلدی
گینه یاران داشدی بحربلا
حلول ماه محرم
گینه یاران داشدی بحربلا
شاه کربوْبلا،یاسی باشلاندی
خانم زهرا، سالدی باشه قارا
سیّدالشهدا، یاسی باشلاندی
محرّم گلدی، قارا گلدی
یئره گؤیلردن صدا گلدی
**********
چکوب قاره، آسمانه فلک
ساکنان فلک، نوحه خوان اولدی
سماواته، ناله سالدی طنین
قلبی فاطمه‌نین، لخته قان اولدی
بوماتمده، یاندی قلب نبی
نازدانه‌سی بی آشیان اولدی
آچوب باشون،یکسر اهل سما
خمسة‌النّجبا،یاسی باشلاندی
**********
معابرده، صف چکنلره باخ
سینه‌زنلره باخ، سینه داغلولّار
دوشوب شیعه،بحردردوْغمه
مسجده علمه، قارا باغلولّار
سالوب یاده،فاطمه بالاسون
قلبینین یاراسون،باهم آغلولّار
دئیورزهرا،جان یارالی بالا
شاه مُلک ولاء،یاسی باشلاندی
**********
وورور باشه،عاشقان علی
شیعیان علی،بومصیبتده
علی سسلیر،سیندی بال وْپریم
اوْدلانوب جیگریم،بادمحنتده
چخوب عرشه،سوزآه حسین
خیمه‌گاه حسین،یاندی غارتده
امان ای دل،ائیله آه وْنوا
چون ولیّ خدا،یاسی باشلاندی
**********
بوآیدا هر،کیم نوایه گله
آه و وایه گله،خواروْزار اوْلماز
قیامتده، اعتباره چاتار
افتخاره چاتار،اشگبار اوْلماز
ئؤلن وقته،ساغ سوْلا دوْلانوب
نارهجره یانوب، انتظاراوْلماز
گؤزوم آغلا،یاری ایله رضا
چون شفیع جزا،یاسی باشلاندی
**********
بوگؤز یاشی،متّصل النور
گؤزده جلو‌لنور،شام عاشورا
گلور یاده،غصّه خاطره‌سی
خیمه منظره‌سی،قوْرخو صحراسی
رباب آغلور،گؤزده خون جگر
ضعف ائدوب سودامر،آه وْ واویلا
دییورآلله،جان وئروربوبالا
قالدی حالدان حالا،یاسی باشلاندی
**********
گئجه گئچدی،اسدی بادخزان
مادرنگران،گلدی افغانه
آچوب بیرده،ماه پاره‌سینی
شیرخواره‌سینی،وئردی سلطانه
اوْغول گیتدی،شوق وصلتیله
تیرمحنتیله،باتدی القانه
کماندان اوْخ،آتدی حرمله تا
طفل ماه لقا،یاسی باشلاندی
**********
حسین آلدی، باغرینا بالانی
آتدی عرشه قانی،گؤیلرآغلاشدی
ائدوب تأثیر،عرشیانه غمی
خیمه‌ده حرم حیدرآغلاشدی
دئدی لایلای، ای یارالی بالا
سس چکوب اوْ حالا،لشگرآغلاشدی
آتاسندان،قوْوزانوب بوندا
بانگ واولدا،یاسی باشلاندی
یا حسین مظلوم
**********
ال اوز قانلو،گلدی خیمه‌لره
تا ربابه وئره،اوْخلی قربانی
خانم زینب،چخدی تئز قاباغا
عرض ائدیبدی آقا،پوْزمازهرانی
حسین قلبیم، سن کباب ائلمه
گؤز یاشن المه،سن آنام جانی
دئیوم گئیسون،بس قاراسین آنا
اوْغلی باتدی قانا،یاسی باشلاندی
**********
شاعر: کلامی زنجانی
نظرات (۰)
هیچ نظری هنوز ثبت نشده است