متن نوحه ترکی اشعار معزی اردبیلی
متن کامل اشعار و نوحه های ترکی معزی اردبیلی برای سینه زنی و زنجیرزنی
در احوالات امیرالمومنین حضرت علی (علیه السلام)
کوفه ده گورسندی یارب بیر دم خنجر ده قان
یاره سیندن آخدی قالدی صورت حیدرده قان
شهر علمون اولدی منشق ضربه دن دروازه سی
هفت شهر عشقه تا سالدی نوا آوازه سی
چخدی قرآنون کأنه جلدیدن شیرازه سی
گوئیا فزت و ربّ الکعبه یازدی یرده قان
آنداولا مظلوم حسینون ختم مرسل جدّینه
شال عبدیّت یاراشدی مرتضانون قدّینه
شهپرین ویردی ملک لر یرده قانین ردّینه
آغلیوبلار قان ملال حیدره شهپرده قان
حقّی واردور شیعه لر محشر اولونجان آغلاشا
ابن ملجم کوفه ده اندیردی خنجر بیر باشا
مرتضی قانه بوروندی ناگهان باشدان باشا
سجده گاهینده یخلدی صورت انورده قان
مجتبی قیلدی نمازی سرور مردان کیمی
بیر گلیم آچدی یره گوز یاشی اولدی قان کیمی
ناطق قرآن بوکولدی جلده بیر قرآن کیمی
صاحب نهج البلاغه حمل اولوب پیکرده قان
توکدی زینب کربلاده عارضه گوز یاشینی
اولمادی بیر کس آپارسون خیمیه قارداشینی
خنجر شمری دوتوب محکم کسنده باشینی
دوغرانوب بارماقلاری زینب گوروب اللرده قان
زینبه فرمایش ایتدی نور عین مصطفی
قاتل خونخوار یمه میداندا ایتمه التجا
گیت باجی اخیامیمه باش چک پریشان قیزلارا
خیمیه زینب گلوب اللرده قان معجرده قان
عرض ایدوب اخیامیده سن شاهد اول ای ذوالکرام
قویمادی شمربن ذی الجوشن حسینه احترام
ناگرانم تک قالوب میدانیده یالقوز امام
چشم شاه تشنیه چکمیشدی یارب پرده قان
شاعر : استاد معزی اردبیلی
***********************
کوچ از قتلگاه
روح جسم نجبا نور حقیقت زینب
عالم منزلته رحمت و عزت زینب
مرتضایه آدی زینت ادبه صدره نشین
مجلس معرفته شمع محبت زینب
سرپرست اسرا کرب وبلا شیر زنی
ذرّیدن قبره کیمی حامی نهضت زینب
گوسترن همتینی غارت اولان وقته خیام
مرتضی نادره سی صاحب قدرت زینب
مثل زهرا آناسی یار حریم علوی
بطن تاریخیده با عاطفه شهرت زینب
کوچ حکمی وئریلوب یازدهم ماه عزا
شامه تا لشکریلن ائتسون عزیمت زینب
اسرا ناقهٔ عریانه اوگون اولدی سوار
ولی اطرافیده چوخ ایلیور همت زینب
هانسی قیز سسله سه عمه منی سال یادووه گل
میندیرور ناقه سینه گوهر عفت زینب
فاطمه بنذری دردانه سین آغوشه آلوب
تاپشروب قارداشی چون ایلیه خدمت زینب
قتلگهدن اسرا کچمگه دستور گلوب
قیزلارا اوغلی ئولنلر کیمی چوخ شور گلوب
ناقه دن اندی یره محنتلن بانولر
عطرینی دشت وچمن زاره یایوب شب بولر
هره اوز ایسته دیگین آختارور اما تانمور
نعش صدپاره نی ئوپسون اگیلور زانولر
بیری سسلور گوره سن هانسی جگر پاره مدور؟
سرمگه یاره لر اوسته آچلور گیسولر
بیری قولسوز بدنه وار سوزی میداندا دیسون
تز فرات اوسته باخور مشکی گورن مه رولر
بیریده اکبرینی گورمگه چوخ چوخ تلسور
آختارور دلبرینی اشک توکور دلجولر
بیری صود ساغماقا خلوت یره ده چاتمور الی
ملشور حالینه چوللرده گزن آهولر
بیری سسلور طویوموز یاسه دونوب غم زده ام
غارته گئتدی دونن حجله ده کی پر قولر
چون رقیه گجه گلمیشدی گئدور گوداله
دالیسیجا یول آلوب دیلده نوا خوش خولر
دؤندروب آرخاسینون اوسته حسینین زینب
تانیدی،یاره سینون اوسته توکولدی مولر
الی گوردی کسلوب ئوپدی کسیلمش الینی
توخدادانمز دئدی الده یاروی دارولر
جسم عریانیده چوخ یارووه قربانم حسین
حُلق منحوروه اوخ یارووه قربانم حسین
شامه قیزلاریولن حالی پریشان گئدورم
باخورام پیکر صد پارووه گریان گئدورم
یانورام دفنوه میداندا کفن آختارورام
گون قباقینده سن ای خسرو خوبان گئدورم
سفر اوستونده اذان باشدا مسافر باجوام
سسووی قوی ایشیدیم من سنه قربان گئدورم
مَشکلرده سو گئدور شامه سویون سدّی سینوب
قارداشیم تشنه لب اللرده وئروب جان گئدورم
گلشنون تاپدی صفا قرمزی گللرنن حسین
قان ایچینده گورورم قالدی گلستان گئدورم
قویسالار قالام اولونجه بو دیارونده سنون
نگرانم نگران سینه سی سوزان گئدورم
ای قالان اللری اللرده اویان دوت الیمی
گوندوزوم قاره پریشان اورگی قان گئدورم
توکموشم یاروون اوسته آغاران زلفلریمی
بویانوبدور قانوا زینت رضوان گئدورم
ساربان اللریوی کسمیشیدی من گلدیم
تاپمادیم یارووه میدانیده درمان گئدورم
تازیانیلن آیردی قیزوی سندن عدو
فاطمه بنذرووه شامه نگهبان گئدورم
سسلنور عمه دویونجا باباما آغلامادیم
آیریلا بیلمیورم آری یاری جان گئدورم
ای«معزّی» یتوروبسن چوخ ارادت آقوا
چون وئروب خالق یکتاسی جلالت آقوا
شاعر : حاج یوسف معزی اردبیلی
منبع : مجمع شعرا ومادحین
**********************
زبانحال حضرت ام البنین (سلام الله)
سبک : ای منی آواره قویان...
کیم قولوووی ائتدی قلم اباالفضل اباالفضل
اوغلووا یولاندی علم اباالفضل اباالفضل
یوزدن هلاله بو بالام مثلدی مثلدی
سن کیمی اوغلوندا اوغول گوزلدی گوزلدی
بیلمور ئوزی عزّتینه نه گلدی نه گلدی
دائم اولولب مونسی غم اباالفضل اباالفضل
چون منه سندن بو بالا نشاندور نشاندور
بد نظرین بد نظری یاماندور یاماندور
گوزله ئوزوندن دِیَرَم آماندور آماندور
آتما رشادتله قدم اباالفضل اباالفضل
میوۀ قلبیمدی مَنَم پرستار پرستار
قامت رعناسی سنه چوخ اوخشار چوخ اوخشار
قویسا زمانه اولاجاق علمدار علمدار
ئوللم اگر گورسه ستم اباالفضل اباالفضل
کوچه ده سندن صورا که دولاندی دولاندی
گلدی یتیم سسله دیلر اوتاندی اوتاندی
ائوده الی یوزده خجل دولاندی دولاندی
باخدی ئورک گَتدی وَرَم اباالفضل اباالفضل
عطرووی آللام سارالان یوزوندن یوزوندن
دیندیرَه رَم دویماز ئورک سوزوندن سوزوندن
پرچمی وئرّم ئوپرم گوزوندن گوزوندن
حالیم اولار فوری بهم اباالفضل اباالفضل
خوش یارادوبدور یارادان جمالین جمالین
دیندیره نی چوخ بَگَنوب کمالین کمالین
آغلادی کیم بیلدی غم و ملالین ملالین
مُحنتین آماجی منم اباالفضل اباالفضل
باجیلارون رَخت عزا گیوبلر گیوبلر
غملرووی صبح و مسا ییوبلر ییوبلر
ئولدی آقون سائلووه دیوبلر دیوبلر
سسله دی وای باب کرم اباالفضل اباالفضل
فخر ائدورم چاتدون اوغول مقامه مقامه
خدمت ائدوبسن نچه ایل امامه امامه
حافظ اولوبسان گجه لر خیامه خیامه
خواب ایلیوب اهل حرم اباالفضل اباالفضل
یاره ووروبلار باشووا بالام وای بالام وای
قان قاریشوب گوز یاشووا بالام وای بالام وای
غم یتشوب قارداشووا بالام وای بالام وای
داده گلوب قامتی خم اباالفضل اباالفضل
یاره لی بیر سمته ئوزون چکنمز چکنمز
قان گوزونه دولسا یولی گورنمز گورنمز
قولسوزا کیم یاره وورا دینَنمَز دینَنمَز
یوز ویره جک درد و اَلَم اباالفضل اباالفضل
گور نجه دردون اولونوب زیاده زیاده
گوز دولی قالمیشیدون اراده اراده
کیم سنه یول وئردی نشان مناده مناده
یخدی سنی فوج ظُلَم اباالفضل اباالفضل
شاعر : استاد معزّی اردبیلی
*********************
در احوالات حضرت فاطمه زهرا (سلام الله)
شیعه صدیقه نشان کیمدی؟خانم زهرادی
جبرئیل نن دانیشان کیمدی؟خانم زهرادی
جام اجلالی داشان کیمدی؟خانم زهرادی
مرتضایه یاراشان کیمدی؟ خانم زهرادی
گئج کوسوب تز باریشان کیمدی؟ خانم زهرادی
گوزلری سورهٔ کوثر ده ایکی آیه ایدی
عفتی دولت اسلامیده سرمایه ایدی
نوریده واحد اولان نوریلن همسایه ایدی
گر یارانمیدی،عطوفت ئوزی بی پایه ایدی
سوزلری ورد زبان کیمدی؟ خانم زهرادی
عالی اعطاسینه دیل مریم وسارا آچدی
هر زمان اَل صلیه عاقل و دانا آچدی
گره مشکلی صدیقهٔ کبری آچدی
اصل زهرا چیلره مکتب زهرا آچدی
اسوهٔ خُلق زنان کیمدی؟ خانم زهرادی
اولدی نُه ساله گلوب ائلچی علی ماه جبین
ایشیدبسوز کی نشان ویردی نه نوعی ادبین
ئوز حضورینده اوگون فخر زنانِ عربین
جبرئیل عقد اوخیوب ختم رُسل کسدی کبین
گون کیمی شأنی عیان کیمدی؟ خانم زهرادی
کنز ایثاریده اللّه بگنن گوهریدی
اللری بوسه گه خاتم پیغمبریدی
آسمان ادب و معرفته لنگریدی
ساقی کوثره هم کُفو-وفا پروریدی
باغلی قوللاری آچان کیمدی؟ خانم زهرادی
آچیلوب دست عنادیله عداوت قاپوسی
باغلانوب شهر نبوتده عدالت قاپوسی
ثانیدن گوردی لگد شاه قیامت قاپوسی
چکیلوب آتش سوزانه امامت قاپوسی
پشت درده دایانان کیمدی؟ خانم زهرادی
دوتولوب آی کیمی ختم رُسلون آی پاراسی
سقط اولوب ضربهٔ اعداده بتولون بالاسی
قان ویروب کوینگینه سینه ده کاری یاراسی
جان دیوب عالم معناده خدیجه آناسی
صودی قانه قاریشان کیمدی؟ خانم زهرادی
زائر آواره بقیعده دولانور یابن الحسن
آنووین قبری بیلینمور آلور هر قلبی محن
نه اولار تِز گَلَسن وصلووه چوخدور تَلَسن
فاطمه قبرینی زوّارلره گوستره سن
قبره گیزلینجه روان کیمدی؟ خانم زهرادی
بانواندان دیدیلر خادمه سی اسمایه
عظمتده ندور آیا نظرون زهرایه
دیدی همتاسی چتین بیرده گَله دنیایه
ویروب اللهی صفا بند دل طاهایه
خاتمه جسمیده جان کیمدی؟ خانم زهرادی
باباسی رحلت ایدن گوندن اولوب طاقتی طاق
مَهبط وحیه نفاق اهلی گَلوب سالدی نفاق
ردّ پای ملکه قویدی نجه ثانی ایاق؟
آغاروب حوری هورن زلفی چکوب رنج فراق
غصه دن تز قوجالان کیمدی؟ خانم زهرادی
آرزو گلشنینه شدّتیلن یاغدی دولی
ریسمان غمه باغلاندی اوگون ساق و صولی
ووردی قنفذ قولونا قمچی سینی سیندی قولی
ایتیروب سیم وزره خاطر حقیقتلی یولی
قول قابورقاسی سینان کیمدی؟ خانم زهرادی
منه بیر گون دیدی آخشام او بدیع السیما
دودمانیمده اولان خادمهٔ با تقوا
گوره سن بیرده ایویمده منی سالم حاشا
دورت گولومده گوزون اولسون سنی اللّه اسما
آی خانملار، نگران کیمدی؟ خانم زهرادی
غم کتابینده نگاه ایلرم اوّل سطره
دوتارام روزه اوروجلوق کیمی ویرّم فطره
قبر زهرایه یاغیش یاغسون هزاران قطره
عطر قالخا گیدم اَل سینه ده سمت عطره
عرض ایدم بوردا نهان کیمدی؟ خانم زهرادی
گون باتوب قانه باتان گون گئجه گلدی آرییا
گاهی پیراهنه باخدی گهی باخدی یارییا
گون به گون گئتدی قانی رنگی چالیبدور سارییا
زینبون زلفینی اَل قالخمادی زهرا دارییا
اشگی قان قدّی کمان کیمدی؟ خانم زهرادی
آند اولا اوغلی حسینه تکیدی اخلاقدا
توسن عمری دولاندی اوجادا آلچاقدا
روحی یتمیش نچه گونده سیخیلوب دوستاقدا
گورمیشم وقت عبادتده یوزون تپراقدا
سجده دن حظّ آپاران کیمدی؟ خانم زهرادی
بیر باخون زینب مظلومه ده عالی روشه
بویورور یوخ منیم حقّیم یتیشم تا هر ایشه
بابامیز یعنی موظّفدی اموره یتیشه
ئورگیمدن کچور ای کاش قاپینی تز دئیشه
چونکه مسماره نشان کیمدی؟ خانم زهرادی
گوللرین فاطمیه ویردی خداوند خوشون
بولارون اوستونه محنت توکولوب مثل قوشون
ئوزوزی بیر بیروزه شهر پیمبرده قوشون
داریخار ایوده گَلون زینبون حالین سوروشون
عوضین فوری چیخان کیمدی؟ خانم زهرادی
ای «معزی»آقادان ایسته گینه لطف و عطا
نجه کَرّات نشان ویردی سنه مهرو وفا
شعروون مزدینه آل تذکرهٔ کرب وبلا
سنده قوی صورتووی قبرینه مثل رفقا
یالوار،اولده باخان کیمدی؟ خانم زهرادی
شاعر : استاد معزی اردبیلی
**********************
در احوالات حضرت فاطمه زهرا (سلام الله)
اعدا توکولدی بیربیره دنیانی ویردیلار
دارالامامه آتش سوزانی ویردیلار
دشمن لگد ویروب قاپیا باخ جسارته
لعنت او قومه مفخر نسوانی ویردیلار
امّ الکتاب سوره سینه حرمت اولمادی
دیوار ودرده سورهٔ قرآنی ویردیلار
مسمار باتدی سینه سینه آستانه ده
مثل اینکه داغلی سینیه پیکانی ویردیلار
پهلولری سینوب ستم وظلم خصمیدن
زنگ عزایِ جنت الاعلانی ویردیلار
ضربتده سیندی گوهر اعلای فاطمه
بطنینده گور نه نوعیله قربانی ویردیلار
اللّه نجیبی نانجیبه ائتمسین دچار
ارذل صفتلر حامله انسانی ویردیلار
ناموس کبریا دوشنوب تپراق اوستونه
آئینهٔ دیانت و تقوانی ویردیلار
اَمَّن یُجیبی زینب اوخور صحن خانه ده
شخصاً گوروبدی زینت رضوانی ویردیلار
کوثر هرایه سسلمدی هَل اَتی سینی
گَل فضّه دادیمه دئدی زهرانی ویردیلار
عذر ایستورم جسارتیمه یابن العسکری
بیر دفعه ده شفیعهٔ عقبانی ویردیلار
گوردی علینی خصم آپارور بیعت آلماقا
فکر ائتدی بلکه بو شه مردانی ویردیلار
دامانینه ال آتدی دئدی قویمارام گئده
فوراً همای نعمت عظمانی ویردیلار
زهرانی قمچیه دولادی قنفذ دغا
پَر سیندی آشیانه ده عنقانی وردیلار
بازوی فاطمه اثر قمچی دن سینوب
گویا جناندا شاخهٔ طوبانی ویردیلار
سسلندی بیردن آی بابا گَل آز قالور ئولم
تاپشیردیقون عزیزهٔ بطحانی وردیلار
باش قوزا قبریدن دولانوم بیرده باشووه
ناحق منی قاپومدا بابام جانی ویردیلار
آئینه تک ویریلدی داش، اولدوم سینق سینق
هاردا ئورکده یاره مه درمانی ویردیلار
سینم قانی ترابه یازوب یا علی مدد
ئوز درگهینده همسر مولانی ویردیلار
اوّل شهیدیدی ائویمون سقط اولان بالام
سیرینده بو هلال غم افزانی ویردیلار
گَل باخ منیم قیامتیمه ایهاالرّسول
ناموس افتخار سلیمانی ویردیلار
مسجده فاطمه دانیشوبدور جماعته
حقدور کلامی لوحیه امضانی ویردیلار
زهرانی گتدی منزلینه ئوز کنیزلری
اطرافینه دوزولدی پریشان عزیزلری
سسلندی یا علی ئولورم قالدی دورت بالام
آل گوگلین هانسی ائتسه فراقیمده آه وزار
ختم رُسل دئیَن گونومی بیلمیشم بو گون
مندن بو قانلی کوینگیمی ساخلا یادگار
ئوپسون هاچان حسن یوزینی ئوپ دوداقلارین
آگاهسن همان عَمَلین آیری سرّی وار
جدّی کیمی ئوپنده حسینون بوغازین ئوپ
سال یاده یا علی منیده حلقین ئوپ دوبار
زینب گلین گئدنده یرون بوش دئنن منه
معناده قوی همان گون ایده روحیم افتخار
یا فاطمه «معزی» آدیم نوکرم سنه
وئر سهمیمی وئروبدی کرم ذوالکرم سنه
شاعر : استاد معزی اردبیلی
منبع : کنزُ الشُّعَراء
*****************
مجلس یزید ملعون
زینب پاک و طاهره لطف و کرامت اهلیدور
حاجتووی روا ائدر قوُماز عنایت اهلیدور
حقّه حسین کیمی اولوب حامی حمایت اهلیدور
سائلینی سویوندوروب لطفی سخاوت اهلیدور
ذاتی صداقت اهلیدور روحی سعادت اهلیدور
زینبه عالی مرتبه خالق ماسوا ویروب
نام مبارکی گلوب مجلسه چوخ صفا ویروب
اولدی ئورکده دردیمیز دردیمیزه دوا ویروب
دامنینی هاچان دوتوب ناخوشا تز شفا ویروب
آلعباده مردو زن آری طبابت اهلیدور
مهدی فاطمه دیوب حقّه توکّل ایلیون
مشکلوز اولسا گر بویوک صبر و تأمل ایلیون
رنج و ملال و دردوزی قدری تقبّل ایلیون
صدقیله زینب عمّمه دیلده توسل ایلیون
یوز قویون آستانینه عمّه م اجابت اهلیدور
چاتدی حسین شهادته قالدی قیامی ناتمام
حالت مُهلکه دوشوب ساجد حیّ ذوالکرام
عمهٔ صاحب الزمان یر یوزونه اولوب امام
زینب حسین قیامینی ساخلادی زنده والسلام
فاطمه مرحبا دئدی گورنه صیانت اهلیدور
قصر یزیدیده قالوب سیّدالاوصیا کیمی
رعشه سالوبدی جانلارا هیبتی مرتضا کیمی
آلدی رشیده خولری زیر پره هما کیمی
قیزلاری شامی آلماقا بیلدی قَوی قُوا کیمی
محضر مرتضاده کیم اولسا، فراست اهلیدور
قانلی باشا طرف اَنوب قاتل الینده خیزران
پارچالیوب دوداقلاری طشته توکولدی تازه قان
حوری لر آلدی زلف اله باشینی آچدی قدسیان
عاطفه لر جوشوب داشوب نفرتین آندیروب سران
قصریده کی فهیم لر بیلدی جسارت اهلیدور
طشت طلاده گوزلرین رأس حسین دولاندیروب
زینبه گوئیا بئله سرّ نهانین آندیروب
شامین امیر فاسقی قلب بتولی یاندیروب
لبلریمه آغاج ووروب قانه منی بویاندیروب
تک قالوب ایندی ایش سنه دشمن عداوت اهلیدور
من دئدی یا حسین سنه خواهر انقلابیم
فاطمه گُلدی عصمته من اوگولون گلابیم
ذاتاً ابی ترابیم قاف وفا عقابیم
کیمدی یزید دینمیم ناطقهٔ حسابیم
شاه شراب خواریدور ملتی غارت اهلیدور
دوتدی بقیعه صورتین زینب اوگون یانا یانا
شهر دمشقه گَل دئدی آی یارالی ئولن آنا
باری یامان گونومده سن،چک منی غصه دن یانا
باخ دوداقیندا اوغلوون تازه آخان قیزیل قانا
باخمادیلار بالون سنون دائم عبادت اهلیدور
ای گُل باغ مصطفی فاطمه گَل وقاره باخ
بزم یزید شومیده عاشقه باخ نگاره باخ
زینت قهرمانیده عزت و افتخاره باخ
ناطقهٔ زمانه دور نطقینه باخ شعاره باخ
دِینینی ایلیور ادا دین و دیانت اهلیدور
زینب ائدوب سپاسینی حضرت ربّ العزته
دوتدی یزیده صورتین گلدی مقام صحبته
مثل علی بویوردی باخ منده اولان نصیحته
زینبم آشنا منم فلسفهٔ شهادته
حیف اولا کی مخاطبیم بوردا خلافت اهلیدور
ای طلقانین اوغلی من سایهٔ رحمتم تانی
ختم رُسل بابامدی بیل مفخر امّتم تانی
علت خلقتم تانی مایهٔ رأفتم تانی
مهر شفقتم تانی روح فضیلتم تانی
دخت علیّ مرتضی سوزده صلابت اهلیدور
رأس مطهر حسین لنگر کائناتیدور
جدّ کُبارینون آدی زینت الصلاتیدور
خارجی سن دئدون، ولی دینه ذَوِالحیاتیدور
یاری همان دوز عاشقون خالق شش جهاتیدور
عشقینه جان نثار ائدوب گور نه شجاعت اهلیدور
مظهر ذات کبریا کیمدی؟ حسین دگول مگر؟
نور دو عین مرتضا کیمدی؟ حسین دگول مگر ؟
دینینه تشنه لب فدا کیمدی؟ حسین دگول مگر ؟
سوزلری مثل کیمیا کیمدی؟ حسین دگول مگر ؟
مرد بزرگواریدور جدّی رسالت اهلیدور
یاره وورولدی باخمادی یارینی ائتدی یاد حسین
کرب وبلاده باشلادی ماه عزا جهاد حسین
آیهٔ کهفی ذکر ائدوب قلبیمی ائتدی شاد حسین
کوفه ده باش قانیم یازوب محمله زنده باد حسین
زندگیده رشیده دور کیمسه شهادت اهلیدور
قارداشیمون الین گَلوب فخریله قدسیان ئوپوب
سینه ده گُل جمالینی سرور مومنان ئوپوب
غنچه کیمی دوداقلارین خاتم مهربان ئوپوب
ایندی همان دوداقلاری طشتیده خیزران ئوپوب
ای شرفین ساتان، او باش آری شرافت اهلیدور
ساخلا قلم،«معزیا» دلده چو خالدی محنتون
زندگیده حقیقتاً نام حسیندی عزّتون
بسدی سنه قبول اولا محضر شه ده خدمتون
باخسا قیامتین گونی گر، گوله جک بو صورتون
باخماسا، حالووه گولن روز قیامت اهلیدور
شاعر : استاد معزی اردبیلی
**********************
سؤال و جواب راهب با رأس مبارک امام حسین (علیه السّلام)
سوال
دیریمده اولوبسان منه مهمان آقا کیمسن؟
گورسندی وارون عزت شایان آقا کیمسن؟
جواب
راهب چیخوب حق اوسته منیم جانیم حسینم
اوز دینیمه خاطر توکولوب قانیم حسینم
سوال
موسی سن او سیناده اولان طورووه قربان
احمد سن اگر صورت پور نورووه قربان
عاشق سن اولوم باشدا سنون شورووه قربان
وئر قلبیده کی دردیمه درمان آقا کیمسن ؟
جواب
جدّیمدی تانی حضرت پیغمبر خاتم
مصباح هدی نور خدا فلک نجاتم
جنّتده ورولمیش آدیما پرچم ماتم
طاها اوزودور پیده سی گریانم حسینم
سوال
نهضت ایلیوب سن بئله معلومیدی خیره
گون مثلی چیخوبسان گئجه صندوقیده سیره
عیسی کیمی نورون دوتوب هر سمتیده دیره
عیسی دگوسن پس سنه قربان آقا کیمسن ؟
جواب
کیفیت مرگیم سنه گر اولماسا معلوم
اظهار ایدورم کی اَنَا مَقْتُول اَنَا مَظْلُوم
راهب اَنَا عَطْشان اَنَا مَهْمُومْ اَنَا مَغمُوم
گوداله دوشوب پیکر عریانیم حسینم
سوال
دیداروه گوردوم گئجه حوّاده گلوبدور
موسی ده گلوب مریم وساراده گلوبدور
پهلوده الی بیر خانم افتاده گلوبدور
باخدون یوزونه حال پریشان آقا کیمسن ؟
جواب
آلمشدی عصا بیر اله موسائیدی راهب
گلمیشدی منه دم ویره عیسائیدی راهب
پهلوده قالان بیر الی زهرائیدی راهب
اللرده ئولوب مفخر نسوانیم حسینم
سوال
قالدی کشیکه یاوری دیریمده یزیدین
صحبتده اشیتدیم اولارون گفت وشنیدین
باشلارون الوب مندن هواداری رسیدین
یوخ سن کیمی دنیاده بیر انسان آقا کیمسن ؟
جواب
امضاء کی وئروبسن شهدا باشیدی باشلار
سر نیزده محکم ورولوب کوفه ده داشلار
اول گئجه لیک آی کیمیدی تیره لی قاشلار
جانین ویروب اسلامه شهیدانیم حسینم
سوال
گفتاره گلوبلر اله فرصت سالا جاقلار
گزلینده بو صحراده بیر عدّه قالا جاقلار
شب خون ورولوب باشلاری بیزدن آلا جاقلار
نه باعث اولوب ویردون او گون جان آقا کیمسن ؟
جواب
لطف ائتدی باخوب عاشقینه حضرت معشوق
دنیاده منیم خاطریمی ایسته دی مخلوق
دیرونده یارالی باشیمی ساخلادی صندوق
مهمانون اولوب عترت ویلانیم حسینم
سوال
اعلان ایله اون آلتی کسوک باشلاری کیمدی
نسوانون آخور صورته گوز یاشلاری کیمدی
بو قافله ده وار باجی قارداشلاری کیمدی
گل صحبته ائتمه منی گریان آقا کیمسن ؟
جواب
آزاده منم قید عدودن اوزاق اولدوم
پس قانلی بیابانیده پوزقون تفاق اولدوم
دیرونده سنون بیر گئجه گلدیم قوناق اولدوم
اولدی صلحا فرقه سی مهمانیم حسینم
سوال
صندوقیده قانلی باشووی چیگنیمه آلدیم
سس گلدی منه مفتخر اول بهتیده قالدیم
بیلدیم کی آقا بوینوما عزّت شالی سالدیم
گفتاره گل ای صاحب احسان آقا کیمسن ؟
جواب
مهمانوی گوردون واریدی کول دوداقندا
یر ویرمدی خولی منه ایوده اطاقندا
قالدوم گجه نون چاقی تنورون بوجاقندا
کول اوسته اولوب شام غریبانیم حسینم
سوال
گلدیم من اوزوم روزنه دن باشووه باخدیم
خلقتده چکن نقشهٔ نقّاشووه باخدیم
قانه بویانان گوزلرووه قاشووه باخدیم
صدمه نیه گورمیش لب و دندان آقا کیمسن ؟
جواب
حاضر ائده سن عطر و گلابی قاباقیمدا
ضربه وروب اعدا نئچه یول غملی چاقیمدا
آهسته یووارسان یارا واردور دوداقیمدا
چوبه هدف اولدی لب ودندانیم حسینم
سوال
واردور یوزوون قانلی کولی سالمیش عذابه
ویرسون گر اجازه بوکرم عطر و گلابه
خیر امریده منده چاتارام اجر و ثوابه
محشرده مکانیم اولا رضوان آقا کیمسن ؟
جواب
صندوقیده گتدون منی شخصیتون آرتدی
سس گلدی محبت ایلدون عزتون آرتدی
عیسی نون حضورینده سنون حرمتون آرتدی
وار قلبیده کی دردوه درمانیم حسینم
سوال
آدم ده سنون خاطریوی ایسته دی خیلی
دیدارووه گلسون گورونوب رغبت ومیلی
گور کیمسن اولوبدور سنه آدمده طفیلی
معناده ملک لر دی نگهبان آقا کیمسن ؟
جواب
صحرای بلاده یارالی-اولدی نمازیم
باشلاندی خداونده او گون راز و نیازیم
قربان کیمی راهب کسیلوب تشنه بوغازیم
پایانه چاتوب شرطیلی پیمانیم حسینم........
سوال
رویاده آقا گل بو «معزی»سنی گورسون
رویونده سنون نور حق ذوالمنی گورسون
قبرینده دئسون گلمیش حسینیم منی گورسون
اظهاره گلوب ائتمسون عنوان آقا کیمسن ؟
جواب
اشعارینه دنیاده «معزی» نمک ایستر
گوهر بیلوب هر بیتینی گورسون محک ایستر
مندن اوزونه روز ازلدن کمک ایستر
آخر ویریلر خلعت الوانیم حسینم
شاعر : استاد معزی اردبیلی
************************
زبانحال حضرت رقیّه (سلام الله) در راه شام
نیزه باشینده آماندور منی دیندیر یارالی
گینه اعجازوی اعدایه بیلیندیر یارالی
کوفه ده زلفیمیزی گرد بیابان بورودی
بیلمدیم نولدی بابا عالمی طوفان بورودی
عمه مین ناقه ده گوردوم هوروگون قان بورودی
قان گَلوب سوزدی آغارمیش هوروگیندن یارالی
چوخالور دردی ئورگدن گونی گوندن یارالی
میزبان قویماز اولا حالی پریشان قوناقی
احترامیله ویرر یاتماقا عالی اطاقی
میهمان یاتماز اطاقدا کوله باتماز دوداقی
باشوی آیری سالوبلار نیه گُلدن یارالی
بیلدیم اوضاعی دوداقونده کی کولدن یارالی
ای خانم عمّه مون افسرده گَزن یحیاسی
گون قباقینده قوم اوستنده قالان اعضاسی
نه چوخیموش بابا قانلی باشوین غوغاسی
گهی سر نیزیه گه دیره چیخوبسان یارالی
ایندی ده گون کیمی سن سیره چیخوبسان یارالی
چکمشم رنج وتعب مونسیم آه وغمدی
قابار اولدی ایاقیم آلتی گوزوم پر نمدی
زجریلن مینمه میشم بیر آتا نامحرمدی
شرع تحریم ایلیوب ایلرم همت یارالی
واردی منده بیلوسن هاشمی غیرت یارالی
چون اولوب مکتب زینبدن اَزل تربیتیم
من سلام ایلرم هر شخصه واریم معرفتیم
بیلمورم زجره آجوق گَلدی نیه خوش صفتیم
گوستروب فوری سلامیمده عتابین،یارالی
قالخیزوب قمچی سینی ویردی جوابین یارالی
بیری قمچیله بلالی باشیما چالدی بابا
شمر دون سیلی ویروب طاقتیمی آلدی بابا
ضرب سیلی گوزومه قانلی لکه سالدی بابا
دینمدوم شمره قباقینده سیخلدوم یارالی
بدنیم تیتره دی تپراقه یخلدوم یارالی
منکه زهرا قاپوسین یاندیرانی گورمه میشم
خسته پهلولرینی سیندیرانی گورمه میشم
یوزینه کوچه ده سیلی ویرانی گورمه میشم
ثانی بیر ظلم ایلیوب قدّین اَگوبدور یارالی
شمریدن بیلدوم آنامدا نه چکوبدور یارالی
شاعر : استاد معزی اردبیلی
*************************
زبانحال حضرت لیلا (سلام الله) در راه شام
چیخوبدور کوفه دن لیلا گلوب افغانه یوللاردا
باخوب سر نیزیه قلبی دونوبدور قانه یوللاردا
گوروب دلبندینون باشین چکوبدور آهی آه اوستن
بالانین محنتی گتدی آنانی جانه یوللاردا
دیدی ای یوسفیم یومما گوزون حالی پریشانم
تکان ویر بیر قدر قانه باتان مژگانه یوللاردا
فلک اون سگّیز ایل قویدی باخام رخسارووه اما
صورا دنیانی دوندردی منه زندانه یوللاردا
منیم شمع حیاتیم سن آماندور تز جدادن اَن
دولانسون باشوه بیر آز گِنه پروانه یوللاردا
اَسوب یل کاکلون سرنیزه ده اولموش پراکنده
نه خوشدور زلفووه ویرسا کنیزون شانه یوللاردا
گلوبدور باش یاروندان قان دوزولموش ماه رویونده
یوزونده خشک اولان قان بنذیور مرجانه یوللاردا
ایدوب حُسن عالمی یکسر مسخّر لشکر زلفون
کنار ایله باخوم بیرده رخ رخشانه یوللاردا
چیخاندا نیزیه باشون کأنّه آی چیخور سیره
باخور افسرده اولدوزلار مهِ تابانه یوللاردا
فلک جان شیشووی چالدی عداوت داشینه بیر دن
نظر قیل گور نجه آغلار نچه دُردانه یوللاردا
هانی هاجر گلوب باخسون منیم تک هاجر عصره
نه نوعی وورموشام زینت گوره قربانه یوللاردا
دریغا یوسف عصری چکوب بازاره شام اهلی
ساتوللار گور نه نوعی قیمت ارزانه یوللاردا
ولی کیمده نه جرأت وار حسینون یوسفین آلسون
خریدارم ئوزوم من یوسف دورانه یوللاردا
دیدیم گر چه گوزون یونما ولی یوم مشتری چوخدور
آلا گوزلر نهان اولسون باخور بیگانه یوللاردا
یقین ئولم آلنسا قانلی باشون نیزه داروندن
ایویمی یخماسن باخما من نالانه یوللاردا
آپارسا هر یره دشمن منی گل سنده دیداره
گجه صبحه کیمی سنلن قوروم غمخانه یوللاردا
دیللّر ظالمی آنی یخار بیچاره نین آهی
چکوم آهی سالوم اود عالم امکانه یوللاردا
آنالیق مهری جوش ایلراورگیم برگ تک تیترر
ترحّم ایلین یوخدور دل لرزانه یوللاردا
طبیبا ناقه اوستونده مریض بی علاجم من
منی محتاج ایدوب دردو غمون درمانه یوللاردا
دعا من ایلرم آمین دییَر نازلی رقیّونده
باشون تا اولمیا مهمان دنی انسانه یوللاردا
ربابون اوغلی اللرده ئولوب بیلّم چیخار جانی
پریشان گوزلری دوشسه قوزی جیرانه یوللاردا
شاعر : حاج یوسف معزی اردبیلی
*************************
احوالات حضرت پیامبر اکرم (صلی الله) و گریز به قتلگاه
ای دل ساراتدیلار گل خوشبوی خلقتی
آغلاتدیلار جهان شریعتده امتی
جان اوسته دور وصیت ایدور ختم الانبیاء
تحویل آلور وصی مسلم شریعتی
روح الامین پریله سیلور آلننون ترین
یازسون کتاب رحمتینه جزئی خدمتی
منت چکور زیارت ائده حوریلر الین
اما مقابلینده گوروللر محبتی
زهراده بیر طرفده باخور گل جمالینه
اشگین توکور یوزه آپارور رنج محنتی
ناگه قاپی وریلدی خانم گیتدی آچماقا
کیمسن دیدی بو گون ووروسان باب رحمتی
عرض ایلدی حضور رسوله واریم سوزوم
گلم اگر یتیشسه منه اذن و رخصتی
زهرا بویوردی ایوده بابام چون مریضدور
اولماز کلامووی ایشیده میل و رغبتی
بس من گیدوم اجازه آلوم گل حضورینه
گورسندی ائوده فاطمه نون بیرده صورتی
پیغمبر گرامی گوزل گوزلری آچوب
افسرده گوردی فاطمه پاک طینتی
فرمایش ایتدی کیمدی قیزیم رخصت ایستین
اظهار ایله ندور گله نون نام و شهرتی
گفتاره گلدی من آدینی آلمادیم خبر
ایستور اجازه محضرووه واردی صحبتی
حضرت بویوردی قابض الارواحیدور قیزیم
مامور قبض روحیدی یوخ آیری نیتی
هیچ کیمدن آلمیوبدور اجازه آلاندا جان
اما گلور سنون قاپووا ساخلور حرمتی
ایستور اجازه ئیله منیم جانیمی آلا
اولماز آلاندا جانیمی بیر ذره حیرتی
یوخ منده نیزه یاره سی شمشیر یاره سی
اطرافیمی آلانلاریمون وار عطوفتی
بیرگون دوشر گذاری بلانون دیارینه
اوغلوم حسینده سایسیز اولار یاره ضربتی
یا رب دئیر حسینه وروبلار نه چوخ یارا
اطرافینه دوزوبدی عدو اهل ظلمتی
آیا نه اوسته نیزه ئیلن سینه سی سینوب
سالمیش شماریه نفسین یاره زحمتی
آواره ام حسینی نجه قبض روح ایدوم
حکمت سنوندی بنده لرون بیلمز حکمتی
سس گلدی آلما جانینی قوی من ئوزوم گلوم
شاد ایلر عاشقین اورگین یار وصلتی
حق اوسته سینسا قلب همان قلبه واریدم
رد ایتدی تیری مندن حسین آلدی دعوتی
عشاقه عشق کعبه سی قلبین یاراتمشام
بیت الحرامیدن ده گلوب باش فضیلتی
خلاقیدن او گون ملک الموت ائدوب سوال
ای گوسترن خلایقینه مهر و رافتی
علت ندور گوز آلتی باخور خیمه گاهینه
آغلار قالوبدور اولما خیامینده عترتی
ال باشدا تلیده اوجا بوی بیر خانم قالوب
من بیلمورم حبیبیوویلن وار نه نسبتی
سسلور حسین بالالاریوی قورخودان قوتار
اعدا گلور سویا گوروسن آل عصمتی
یا رب حسین طرف نهره چوخ باخور
جان اوسته ایستیور گوره بیر کان غیرتی
گویا او باوفانون ابوالفضلیدور آدی
دیلده آدین دوتاندا آخور اشک حسرتی
شکر ایت «معزی» اولدی کتابون پر اشتهار
یالوار الوندن آلمیا الله بو نعمتی
شاعر : حاج یوسف معزی اردبیلی
منبع : کنزُ الشُّعَراء
***********************
احوالات کوفه
زینب اگر هر غمه تاب ایلدی
فاطمه نی دیده پُر آب ایلدی
گوردی دوشوب شهریده چوخ همهمه
کوفه ده کفاره خطاب ایلدی
آند اولا قارداشیمون احساسینه
آند اولا طاها کیمی سیماسینه
آند اولا ایمانینه تقواسینه
آند اولا پیمانداکی امضا سینه
آند اولا شخصیت زیباسینه
آند اولا عیسی کیمی انفاسینه
آند اولا زیبا شرف الناسینه
آند اولا با معرفت عباسینه
فاطمهٔ اطهره وابسته ام
مثل حسین عاشق وارسته ام
کوفه لیلر شیر زنم زینبم
اُخت امام حسنم زینبم
خواهر شاه زمنم زینبم
منقبته نور منم زینبم
حوریلره سر سخنم زینبم
بند دل بت شکنم زینبم
گر چه جلای وطنم زینبم
غرق ملال و مُحنم زینبم
دُر ّ گرانمائیه گنجینه ام
معرفت و عفته آئینه ام
نائبهٔ مفخر حورا منم
شیشه گلاب گُل زهرا منم
طاهرهٔ عالم تقوا منم
نامور کرب ومعلا منم
دادرس عترت طاها منم
خواهر با عصمت سقا منم
آیهٔ تطهیریده معنا منم
ذریده لوحه ووران امضاء منم
شاکرهٔ ربّی الاعلی منم
صبریده ایثاریده دریا منم
گلمیشم حقّیمدن اوزوم دم وورام
قصر ستم پروره پرچم وورام
گُلشن حقون گُل معطوری ام
رتبه ده فخر ملک و حوری ام
فاطمه نون خاطر منظوری ام
قانلی باشون عاشق پر شوری ام
موسی عصرون دانشان طوری ام
حلقون ئوپندن ایله مخموری ام
آغلامشام حالینه مأجوری ام
چونکی شریک غم عاشوری ام
شامی آلام نطقیله مأموری ام
امری ندور تابع دستوری ام
آل محمد یولونا گُل توکون
ایندی نه کی باشلارینا کول توکون
گوردی خانم مونسی گوز یاشیدور
ساکت اولان نیزه ده قارداشیدور
آغلیان احوالینه داغ داشیدور
وای دئدی قرآن اونا یولداشیدور
یا هدف پنجه اوباشیدور
ساکت ائدن گوردی عدو داشیدور
باش یارالی باشینه پاداشیدور
هر یارادان باش یارالی باشیدور
دوره ده کی حاجب و فرّاشیدور
نقشه چکن نیزده نقّاشیدور
گوردی حسین سجده گهین داش یاروب
ووردی خانم محمله باش باش یاروب
گلدی دیله باخ منه سن قارداشیم
قارداشی اللرده ئولن قارداشیم
کوفه ده قرآنی دییَن قارداشیم
آلننا داش نی ده دگن قارداشیم
یاره لی میدانه دوشن قارداشیم
قیزلاری آواره گزن قارداشیم
آغلامشام یارووه من قارداشیم
باخ یاراما شاه زمن قارداشیم
اولمادی دفنونده کفن قارداشیم
زینبووم غرق محن قارداشیم
آخدی یارامدان نجه قان زلفیمه
عشقیده تز ووردی نشان زلفیمه
باخ گوزلیم عاشق رُخساریوه
بیرده طبیبا خوشام ایثاریوه
نسخووی یاز غصه لی بیماریوه
جانی فدا دیدهٔ خونباریوه
باغلامشام دل هامی رفتاریوه
مستحقم لطفووه گفتاریوه
ایله دعا نی ده فداکاریوه
ضربهٔ محکم وورا خونخواریوه
باعث اولا گرمی بازاریوه
بنذمیشم حیدر کراریوه
نطقیده زهرا کیمی غوغا ائدوم
شامیده هند اوغلونی رسوا ائدوم
کولده گوروندی منه مرات نور
مسکنون اولموش گجه بیلم تنور
گور نقدر خولی اولوبدور جسور
قویدی تنوره باشوی قلبی کور
دورد زن پاکیزه تاپیبدور حضور
مطبخه زهرا ایلیوبدور عبور
قویمادی تنها سنی سنگ صبور
ئوپدی دوداقلاروی گورسندی شور
سسله دی زهرا باشوا سنده وور
آغلیا تا مریم وسارا وحور
قاره عزالرده «معزی» گیر
اشکین الر گوزدن حسین وای دیر
شاعر : استاد معزی اردبیلی
***********************
احوالات حضرت امام حسن مجتبی (علیه السّلام)
و گریز به روضۀ حضرت ابوالفضل (علیه السلام)
سلام اولا او امامه بتوله چون جاندی
سلام اولا او امامه جگرلری یاندی
سلام اولا او امامه حسن قویولدی آدی
پیمبره نوه محبوب حی سبحاندی
سلام اولا او امامه بوکولدی آغ کفنه
گوزل جنازه سی تاب,ت ایچینده اوخلاندی
منیم عقیده مه اولماز حسن کیمی مظلوم
مگر بیلن واریدی برترین بیر انساندی
یغلدی جاه طلبلر معاویه باشینا
گوروب قیزیل گوموشی تز جماعت آلاندی
وفاسیز امت امام زمانی تک قویدی
چکن بیر عده نی سمت طلایه شیطاندی
وروب معاویه پیمان صلحون امضاسین
شروط صلحی صورا شهر شامیده داندی
دوشوب بو فکره نجه مجتبی نی ئولدورسون
دیار یثربه حاصل پیامی یولاندی
سبویه زهری توکوب جعده ؛ میل ایدوب حضرت
جگرلری آقامون بسترینده دوغراندی
ایکی الین گوتوروب سینه سین اووشدوردی
آناسی فاطمه الآندا دیده گریاندی
چاغوردیلار گلوب علیا مکرمه زینب
گوروب امام حسنون حالی چوخ پریشاندی
دوداقلاریندا دوروب قان چالور الین ایاقین
نه بیلسون امر جفا امر آل سفیاندی
دیدی امامه نه گلدی سنه باجون قربان
دیدی باجی اورگیم زهریدن الولاندی
دیدی کیمیدی سنی نصف شب ایدن مسموم
بویوردی جعده الیلن جگرلریم یاندی
دایانما صبریده تعجیل ایله گتور طشتی
آناسی فاطمیه مجتبی سی مهماندی
حسینیمه خبر ایله گلوب منی گورسون
نگاهی یاره مه قلبیمده مثل درماندی
خبر یتیشدی حسینه اطاقینه گلدی
توکوب سرشکین او قدری محاسن ایسلاندی
چالوب ایکی الینی باشینه امام حسین
گوروب سحاب مصیبتده ماه پنهاندی
باشین دیز اوسته آلوب اوپدی نیلگون یوزونی
گوزوندن عارضه سیلاب اشکی باغلاندی
دونوب کناریده باخدی جمال عباسه
گچن اورکدن حسینون شروط پیماندی
دیدی بو گون حسنون باغلارام اوزوم گوزونی
شهید راه خدای رحیم و رحماندی
اولار ولی گوزونون یاره سی ابوالفضلین
دگن گوزل گوزونه کربلاده پیکاندی
همان سببدن او گون باغلیانمارام گوزونی
منیم یانان اورگیم ایندیدن دولی قاندی
آلار فراتی سووا نهریده دلین ورماز
دیر خیامیده جام الده قیزلار عطشاندی
سو مشکینه دگر اوخ قوللاری قلم اولونار
وران باشیندان آغیر یاره نامسلماندی
دوشنده توپراقا زهرا ننم قوجاقه آلار
سورا سورونمگه ماواسی قانلی میداندی
گوزین تیکر یولوما سسلیر منی داده
او گون غمینده بنی هاشم اشک ریزاندی
سنار بلیم باشی اوسته الیم قالار بلده
دئیرم آچ گوزووی کربلاده طوفاندی
شاعر : حاج یوسف معزی اردبیلی
منبع : کنزُ الشُّعَراء
************************
احوالات حضرت علی اکبر (علیه السّلام)
مدینه زادگاهیمدور شبیه روی طاهایم
حسینون اوغلیام منده جمالا ماه سیمایم
اولوب نازل رسول اکرمه تنها کتاب الله
گلوبدور آیه تطهیر واریم قرآنیده آیم
منم تندیس عشق الله منم فرزند عین الله
زیارت ایلیور حورا دوشنده تپراقا سایم
گتورمیش تار مژگانیم جهان حسنی تسخیره
بیلون فردوس اعلاده منیم یوسف دور همسایم
بابام فخر کلیم الله اولوبدور عصرینه موسی
باخور سیناده میدانه باخون فرزند موسایم
هایاندا مردیه باخسا ائدرعیسی کیمی زنده
اگر خالیقدن اذن اولسا بلی قدرتده عیسایم
حسیندور عالمه مولا حسیندور عاشق کامل
بویوردی یاره خاطر گئت مطیع امر مولایم
صراط المستقیمه ایلورم امت لری دعوت
عزیز زینت عرشم فهیمم فرد دانایم
الیمدن اتقیا ئوپدی یوزومدن قدسیان ئوپدی
ذبیح الله عشقم من خود قرآنه معنایم
شجاعت ارث دور آلعبایه شاه خیبردن
جدلده قطریه بنذور وجودوز آری دریایم
چکم شمشیری قانوزدن گلر ایجاده دریالر
واریمدور صولت وسطوت بو چولده مرد هیجایم
فنون جنگی اورگتمیش منه عباس نام آور
کلاسینده اونون درس آلمشام شاگرد سقایم
خروشاندور همیشه بحرتک زهد و ورع منده
ملکلر پای بوسیمدور بیلون مرآت تقوایم
زیارت ایلیوب دست خلیل خاتمی گلدیم
اجازه آلمیشام جنگه فدای روح زهرایم
شاعر : حاج یوسف معزی اردبیلی
******************************
حضرت امام حسین (علیه السّلام)
و گریز به روضۀ حضرت علی اصغر (علیه السلام)
حسینون هاردا عزایه لواسی گورسندی
همان مکانیده اهل عزاسی گورسندی
حسین حسین دییلن یر بهشتیدن باشدور
اوقدری یاخشیدی زهرا آناسی گورسندی
دوتوب قباقین هامی ایتدی التماس دعا
کیمون باشیندا حسینون قراسی گورسندی
گل ای حسین قاپوسون بیلمین دوا خانه
طبیب حاذق حسیندور دواسی گورسندی
نتیجه لر آلنوب آستان پاکیندن
آلوب دوا کیمه دارالشفاسی گورسندی
دولاندی کوی وفاده حسین دوز عاشقیدی
جهان عشقیده یاره وفاسی گورسندی
ویروب نگارینه یتمیش فدا مناسینده
هامی فداسینه اعدا جفاسی گورسندی
خیامه گلدی گون آل دی هلالین آغوشه
مناده اللری اوسته بالاسی گورسندی
بویوردی لشکر کفاره سیدالشهدا
باخون الیمده سعادت هماسی گورسندی
بالام سوسوزدی آلون مندن ایلیون سیراب
بشیکده اوچ گجه آه و نواسی گورسندی
وُوروب یره دیزینی حرمله کمان الده
او بیحیایه حسینون فداسی گورسندی
ایا امام زمان وردی تیری دوز هدفه
او صود امر بوغازیندا یاراسی گورسندی
قولاقیدن قولاقا بیچدی حلقینی پیکان
حسینه قانیلن الوان لباسی گورسندی
گوزون آچوب قاباقیندا گوروب بیوک ننه سین
علیّ اصغره خیرالنسانی گورسندی
دیدی قوجاقیمه گل آغلاما چالوم لای لای
بیر عالمون بالاسنده بلاسی گورسندی
لقب باب الحوائج مبارکون اولسون
حسینمون سنه لطف خداسی گورسندی
حسین محاسنینه یاخدی اصغرین قانین
خدای بنده نوازه سپاسی گورسندی
دیدی الهی بو قربان سنوندی من ویردیم
گلنده کرببلایه مناسی گورسندی
چاغیردوم اصغری مندن آلا اباالفضلی
دیدی اونون قولی یوخ مرتضاسی گورسندی
یوزون ئوپوب صورا بو طفلی باغریما باسدیم
محاسنیمده مطهر دماسی گورسندی
شهید آخریمیدی قیامته اصغر
الیمده قان آراسیندا لقاسی گورسندی
یارالی اوغلومی الله نجه ربابه وروم
یولا سالاندا یانوب آه و واسی گورسندی
قیامتون گونی گل یا حسین «معزیه»باخ
دیسونله نوکری گورسون آقاسی گورسندی
شاعر : حاج یوسف معزی اردبیلی
************************
ورود به کربلا
ای بلا چولی نچه دلربا گتورمیشم
کیمیا گرم سنه، کیمیا گتورمیشم
یرلر ایچره شکر ایله حیّ ذولاکراموه
هیچ یر احترامیده چاتماز احتراموه
مکّه غبطه ایلیر رتبه وه مقاموه
موکبیمده کوکب و مه لقا گتورمیشم
منفعت دوز عاشقه آری دوز هدفده دی
گتمیشم نگاریمون میلی هر طرفده دی
صادق عاشقم منیم عزّتیم شرفده دی
جانیمی شرافتیم حفظ اولا گتورمیشم
دستمازینی آلار بندگان پاکباز
تپراقا دوشر بولار عارفانه جانماز
کعبیه طرف دونر لشگریم قیلار نماز
عاشقان مؤمن و پارسا گتورمیشم
سنده بیر گون اکبرین گل وجودی اوخلانار
پیکر مقدسی خنجریله دوغرانار
اهل بیت عصمتین دلده دردی چوخلانار
بوکمگه جنازه سین بیر عبا گتورمیشم
سنده یاره لر دگر قارداشیم بالاسینا
آغلارام قویاندا یوز قاسمون یاراسینا
قدسیان گلوب باخارالده قان حناسینا
نوجوان لایق و جانفذا گتورمیشم
سنده ابر کینه دن گلشنه یاغار دولی
نهر علقمه دوشر صاحب علم یولی
خنجر اندیرر قوشون تپراقا دوشر قولی
کاروانیده بیله باوفا گتورمیشم
سنده حلقی اوخلانار طفل شیر خواریمون
قاز مزارینی گلر تز نداسی یاریمون
تابع اولّام امرینه با صفا نگاریمون
قوش کیمی قناد چالا بوبالا گتورمیشم
شاعر : حاج یوسف معزی اردبیلی
*****************************
زبانحال حضرت امام حسین (علیه السلام)
در شهادت حضرت علی اصغر (علیه السّلام)
شاه عطشان اصغرین تپراقیده پنهان ایدوب
زینبه اخیامیده گویا بیله اعلان ایدوب
گلمیشم گل منده زینب دیده گریانه باخ
چکمیشم اوخ حلق اصغردن الیمده قانه باخ
فاطمه مهریّه سیندن ذرّه احسان اولمادی
ئولدی ششماهم لب عطشان فرقهٔ عدوانه باخ
من دیدیم سعد اوغلونا زهرای اطهر اوغلیام
جدّیم احمددور گرامی دوت منی قرآنه باخ
باخمادی گفتاریمه ناقص قالوبدور موعظم
اوغلوما وردیردی پیکان خصمیده وجدانه باخ
هیچ گوروبسن گلستاندا گل سناندا شاخه دن
عالم فکرونده زینب غنچه خندانه باخ
بیر گل آویز تک آسلاندی باشی جسمیده
یانمیشام احوالینه میدانیده بحرانه باخ
باش گیدوب دال سمته گویا شکر ایدوب اللّهنه
رمزه باخ عشق عالمینده شکر بی پایانه باخ
هانسی گوهر هاشمیدور ارزشی سنماقدادور
گوهر علایه باخ عشّاقه باخ جانانه باخ
شاهرگ فوّاره تک قان آتدی دوتدوم اؤجما
قانینی سپدیم سمایه قیمت قربانه باخ
گوزلرین یوممشدی پیکان دگدی آچدی گوزلرین
کربلاده احترام اصغر عطشانه باخ
گوردی زهرانی قباقینده دیور گل سینمه
قلب پر مهرینده رحم مفخر نسوانه باخ
ال ایاقین چالدی گویا عرض ایدوب گلدیم ننه
یاره لی سینونده پیکاندان یورولمش جانه باخ
سینووه آهسته گللم اینجمز پهلولرون
پنجه منحوس اعدادن سنان مرجانه باخ
زینبیم هیچ کیم قوجاقیمدن بالامی آل مادی
سن آدامسیز قارداشوندا درد بی درمانه باخ
سسلدیم عباسی سمت نهر علقمدن گله
گل دیدیم ای دادرس یالقوز قالان سلطانه باخ
ناگهان بیر سس گلوب قاز قبرینی قربانوین
من خلیله خالقیندن گلدیگی فرمانه باخ
اللّریم گلموردی قوملاردا جمالین گیزلدم
تز دیدی عشقیم شروط لوحه باخ پیمانه باخ
ویر خبر گلسون رقیه اصغره لای لای دیسون
آل کنارین خیمه سینده بلبل خوشخوانه باخ
قان دولان قونداقینی آچسون گوزل قارداشینون
خرداجا گهواریه سالسون سن ای فرزانه باخ
زینبیم بیر قاره معجر سال زبابون باشینه
اصغریم گلمز خیامه آز دینن میدانه باخ
سوندی شمعی ویر خبر پروانه شمعین گزمه سون
تز یخار فرقت ربابی آتش هجرانه باخ
سسلنوب اوچ گون بالا یوخدور سویوم یوخدور صودوم
تیر عشقونلن عزیزیم یار دل شان شانه باخ
قانلی قنداقدان بیلر دلبندی نه حاله دوشوب
بیچدی خنجر تک بوغازین زهریلی پیکانه باخ
صود بیلوب قانین دولاندیردی دوداقینده دلین
اوخ اموب پستان یرینده قانه باخ پستانه باخ
یا حسین «معزّی» هر زمان پرشور اولا
گل ئولن گون قبرینه قوی قبریده پر نور اولا
شاعر : حاج یوسف معزی اردبیلی
***********************
احوالات خروج از مکه و
گریز به شهادت حضرت علی اصغر (علیه السلام)
کاروان مکّه دن عزتلی بیابانه گلور
آشنادور هامی عشقه دیمه بیگانه گلور
پیشوا لشکر عشاقه دیوم کیمدور؟حسین
یارینون محضر پر نورینه جانانه گلور
سسلنور کعبه دالیجا دایان ای قبله دل
یانار هجرونده سنون بیت خدا جانه گلور
دیور آستاری آپار ویر منیده زینبوه
سالا باشه قاباقا چونکه عزا خانه گلور
یوخیدی مروه صفانون دوزومی گئتمه گینه
زمزم معرفتون چشمه سی طوفانه گلور
قال دیور منده پیمبر کیمی سن غار حرا
باخمیور سمت جبال عربستان گلور
منده قربانلاروی ویر دیور هی کوه منا
عشقیلن فاطمه اطهره ریحانه گلور
عرفه گورمز حسینینده دعای عرفات
کوی عشقینده دوتوب داش وراشیطانه گلور
کعبه عشقه غرض باغلادی احرام حاجیلار
ویریله زینت کامل نچه قربانه گلور
کاروان مرتبه حسنی تاپوب اکبریلن
یثربون یوسفی یعقوبیله کنعانه گلور
یوسف مصر دوشوب محبسه یالوارمشیدی
بو ولی یالوارور اللهه نه زندانه گلور
شاد اولور لیلی باخان وقتیده زیبا یوزونه
شمع امیدینه پر ورماقا پروانه گلور
گوسترور خدمتینی زینبه سقای حرم
دوزولوب دور برینده نچه فرزانه گلور
هی دیور عزّتیمی آلما الیمدن یا ربّ
منه چوخ گورمه امیدیم بو عزیزانه گلور
هامونون گوزلری اوچ سنیّده زهرانی گزور
هله آغوشیده نازیله او دُردانه گلور
عطر نابه بوکولوب پیکره حجب و حیا
دارانا زلفلری محضرینه شانه گلور
ائیلور عبّاس یوزون سینه ده جنّت گولی تک
گل زیبای محبتدی گلستانه گلور
چاتمیوب آلتی آیی باشه هله صود امرون
ام مگه سینه ده صود شوقیله پستانه گلور
بوس اولور نور الهی بورین صورتدن
خرداجا عاشقیدی یوللاری مستانه گلور
ای قلم کچمه شهادت غمینی ایله رقم
خیمه دن یاز علی اصغر نئجه میدانه گلور
سس گلور ئوپ یوزون آخیر ئوپوشون اولسون حسین
اصغرون سینهٔ زهرای پریشانه گلور
بوغازیندان وورلار زهریلی اوخ پارچالیار
شهدادن دالی قالماز بویانا قانه گلور
یوللارام قانلی قماطین ئوپه اهل ملکوت
عرشیده زائر اولار اصغر عطشانه گلور
یارالی حلقون ئوپنده آناسین یادوه سال
یری چادرده حسین مادر گریانه گلور
تئز یتور قتلگهه چوخدی یولون گوزلینی
قوشولا محسنیمه روضه رضوانه گلور
بدنی خسته اولوبدور ال ایاق چالماقدان
غرق اولوبدور نئچه گون اشک فراوانه گلور
رتبهٔ باب الحوائج ویرورم اصغروه
تلسور چوخ یتیشه عزّت شایانه گلور
سن کیمی منده اونون خاطرینی ایستیورم
عشق بیماری دواخانیه درمانه گلور
ایوون آباد کچورسن قوزی قربانوندن
آلتی آیلقدا کمک اولماقا قرآنه گلور
یا حسین نام (معزی) یازیلا دفتروه
اردبیلدن حرم پاکه چو دیوانه گلور
شاعر : استاد معزی اردبیلی
**********************
اربعین حسینی
حسین گلوب اربعینوه ماهپاره لر قارداش
ربابون حالینه ملر شیر خواره لر قارداش
بلالی چولده قرا باشه باغلیانلارون گلدی
شرار آهیله عالمی داغلیانلارون گلدی
ایاقه دور پیشواز ایله آغلیانلارون گلدی
کناره نهره باخوب یانار بخت قاره لر قارداش
تاپانمدیم من سنه کفن قبرووه باجون قربان
خجالتم فوق العاده من قبرووه باجون قربان
گتورمیشم قانلی پیرهن قبرووه باجون قربان
نیه آپارمشیدی غارته هیچ کاره لر قارداش
یزیدبی آبرو بیزه ظلمین آشکار ایتدی
دوداقلاروندان توکولدی قان باخدی افتخار ایتدی
یارالانان لبلری گوروب قیزلار آه و زار ایتدی
چاغیردی عباسی دادینه قلبی یاره لر قارداش
طبقده قانلی باشون گلوب روشن اولدی ویرانه
ویریلدی باشون رقیه بلبل خوش الحانه
پر آچدی پر ویردی شمعینه یاندی مثل پروانه
گتوردی درده منی اول نظاره لر قارداش
یارالی سینمده حبس ایدوب غصه لی سوزون گلدیم
رقیوون گیزلدوب ئوزوم قبریده یوزون گلدیم
بابا بابا سسلنوب ئولوب باغلیوب گوزون گلدیم
سارالدی سولدی خرابه ده بو هزاره لر قارداش ؛
قارداش سینه ده ملالیمی موبمو گتورمیشم
گوزده اشک حسرت و آرزو گتورمیشم
ای سوسوز ئولن سنه یاتما سو گتورمیشم
ایچ سرین سودان حسین التجایه گلمیشم؛
گویا مزاریدن یتیشوب زینبه صدا
عشق عالمینده واله و حیرانووم سنون
بطحایه قانلی کونگیمی یادگار آپار
بیلسون گورن که یاره لی سلطانووم سنون
گلم باجی گیجه یوخووا صحبت ایلروک
هر دردون اولسا قلبیده درمانووم سنون
شاعر : حاج یوسف معزی اردبیلی
***************************
زبانحال حضرت رقیه (سلام الله)
خطاب به رأس خونین امام حسین (علیه السلام)
توکموشم اشکیمی گوزدن یئره محزون یارالی
آز قالوب ایلیه ویرانه نی جیحون یارالی
بابا ویرانه مه اجلال گلوب جاه گلوب
کیمیا گرلره اللّه بگنن شاه گلوب
سرِ تعظیمه گجه شمس گلوب ماه گلوب
گور چاتار گنجیمه گنجینهٔ قارون یارالی؟
سقفیسیز مَسکنی عاشقلره کانون بیلورم
عشق رسمینده فدا اولماقی قانون بیلورم
قیل دعا چون ئوزومی من سنه مدیون بیلورم
دفتر عشقیمه ثبت اولسون او قانون یارالی
آند اولا کعبیه ای کعبهٔ عشاق صدیق
نازدانه قیزووام منده ده وار فکر عمیق
زینب عمّم کیمی یوخ عترتوه یار شفیق
بیل بنی فاطمه نی عمّه مه مدیون یارالی
گئجه ای شمس ضحا جنته ویرانه دونوب
نور حق لمعه لنوب روضهٔ رضوانه دونوب
نچه مدتدی غمونده ئورگیم قانه دونوب
حالیمی آیریلیقون ایتدی دگرگون یارالی
قلب عالم یانور هر ثانیه اودلی سوزومه
دِل شب آچ گوزوی باخ یوزومه باخ گوزومه
دوشمرم یادوه هرگون دئمیشم ئوز ئوزمه
ذرّه پرورلیک ایدوبسن منه، ممنون یارالی
منی عفو ایله دوداقلاری یارالی قوناقیم
خجلم شأنوه لایق دگول اصلاً اتاقیم
بویانوب قانووه بوسه گوتورنده دوداقیم
ووردی اُول یاره نی بیر ظالم و ملعون یارالی
بابا حقیم واریدی کاسهٔ صبریم جالانوب
ووردوم اُول قدری دوداقلاریمه تا پارچالانوب
بیلوسن سینمه عالم بویی حقون قالانوب
ئوزوه بیل گینه ده سن منی مدیون یارالی
من دئدیم دیدیمه گلسون بابا گوشواره گتور
الده یا آیری هدیه منِ بی یاره گتور
گُل دوداقونده گلنده دئمه دیم یاره گتور
قوی دیوم قانلی دوداقلارووه یورقون یارالی
آرم وابسته سیدی قارُون حسین وای دیینین
عزتی چوخدی ئولنده،سنی چوخ ایستینین
قوتاروب عمری گلوبسن بو جلای وطنین
سنه وابسته اولان اولمادی مغمون یارالی
مایلم چوخ تز ئولم گوزلریمی باغلیالار
محضرونده سنه قربان منه یاس ساخلیالار
زینب عمّم دیه نوحه باجیلار آغلیالار
گجه ویرانه ده جسمیم اولا مدفون یارالی
یاحسین چوخ چوخ اولوب دلده «معزی» محنی
مشکله دوشدی هاچان سسلدی امداده سنی
نام زیبای رقیه چون اولوب سر سخنی
قویما محشرده اولا نوکری دلخون یارالی
شاعر : استاد معزی اردبیلی
****************************
وداع حضرت امام حسین (علیه السلام)
از خیمه گه تا قتلگهه شاه شهیدان می رود
زینب صدایش می کند با چشم گریان می رود
گفتا تَوَقّف یا اخی گفتا بیا زهرای من
بر فدیه گاه عشق حسین،لب تشنه قربان می رود
در چشم عاشق ها کذا اهل حرم بیگانه شد
پروانه ها پر می زند شمع فروزان می رود
قرآن ناطق می رود تا منجی قرآن شود
اما ز پشتش کو به کو سی جزءِ قرآن می رود
محبوبه خیرالنساء سر چشمهٔ حجب و حیا
گفت ای رقیه چاره نی از جسم ها جان می رود
برنامه را تنظیم کرد حشمت بر او تعظیم کرد
با جاه عشق وعاشقی ره را سلیمان می رود
هفتادو یک گل داشته آورد وبر جانان فروخت
این گلفروش با صفا حاشا پشیمان می رود
جانان به بزم عاشقان دعوت نموده یار را
عاشق مصمّم گشته با سیمای خندان می رود
روح وروان فاطمه در دل کلام ربّنا
در جنت الاعلاء شود مهمان شتابان می رود
کوثر صدایش می کند زمزم دعایش می کند
جانان ندایش می کند محبوب جانان می رود
زهرای اطهر منتظر سقای کوثر منتظر
حورا سراسر منتظر مولای رضوان می رود
خود را «معزی»روزوشب در زندگی آماده کن
یک یک به زیر خاک همه خوبان می رود
شاعر : معزی اردبیلی
************************
معجزه حضرت رقیه (سلام الله)
کیمدی دردانه رقیّه گل زیبای حسین
بنذیوب فاطمیه ماه دل آرای حسین
عالی اجلالینه فخر ایتدی صبایای حسین
دردمندانینه هر دوره دواخانه سی وار
شهر شاماتیده امراضه شفاخانه شی وار
چاریه محضر پر نورینه بیچاره گیدور
یتیشن مطلبه الده ایکی گوشواره گیدور
قویولا قبرینون اطرافینه گهواره گیدور
شیعه لر مرقدینه تازه ضریحی آپارور
یتیشوب مقصده قالیچه مسیحی آپارور
زن مغمومه مسیحی واریمیش لبناندا
فلجیمیش قیری اوچ یاشدا همان دوراندا
آپارور حاذق اَطِبّا واریمیش هریاندا
یانمیور بیرگون اونون خانه بختینده سراج
تاپا بیلمور قیزنون دردینه لبناندا علاج
عرض ائدور رحم ائله ای خالق یکتا بالاما
تنگ اولوب کشور لبنانیده دنیا بالاما
شامه من عازم اولوم باخسون اَطِبّا بالاما
اوستومه بادمخالف اسیلوب هریردن
بیلوسن یارب علا جیم کسیلوب هریردن
عزم ائدورکشورسورییه مأیوسانه
هرباخاندا قیزینا دلده گلوب افغانه
شام شهرینده گئدوب دوتدی مسافرخانه
دربدر قوش کیمی تاپدی اودا مأوا اوزونه
گورسنوردی حرم پاک رقیّه گوزونه
بیرگونی گوردی عزا بزم لری برپادی
بیرنفردن خبرآلدی نه ئولوب غوغادی
دئدی قاره چکلوب گوگلره عاشورادی
شامیده باشه هرایل قاره میزی باغلیاروق
دهم ماه عزا سینه ویروب آغلیاروق
خوردا قبرایچره یاتان صفرۀ عصمت دوزیدی
نام زیباسی رقیّه اَدبون اولدوزیدی
باباسی خاتم مُرسلدی حسینون قیزیدی
باغلیوب قاره سنی باشه قراباشدا ئولوب
ویریلوب دل یاراسی شامیده اوچ یاشدا ئولوب
زن نصرانی همان گون اَلی قوینوندا دوروب
قییدوب منزله فکرعالمی غم بزمی قوروب
قیزی منزلده قویوبدور قاپیا قفل ویروب
گَلدی صحنه گِنه اللّههَ توکل ائلدی
دختر شاه لب عطشانه توسل ائلدی
دئدی ای شمس حیا خیر دعا وئر بالاما
یولاما آیری اَطِبّایه دوا وئر بالاما
گلمیشم درگهیوه منده شفا وئر بالاما
آستانوندا دوران عیسوی زوّاروه باخ
دام محنتده فلج خورداجا بیماروه باخ
الغرض عیسوی عورت اوقدراشک الیوب
یوزونی اشک عزائیله سراسر بلیوب
قلب مهجوری حرمده سیخیلوب غش ائلیوب
حالت غشیده سس گلدی شفا تاپدی بالون
خیری اولسون او چتین در ده دوا تاپدی بالون
غشّیدن حاله گلوب دور دی یریندن ایاقا
یوزگوزی گولدی گوروب خیری چیخوبدور قاباقا
منزله ساری گلوب وارد اولوبدور اُطاقا
ایوده ناخوش قیزینی صاف و سلامت گوردی
شامده اصل طبیبیدن عنایت گوردی
چکدی آغوشه بالاسین اورگی تاپدی صفا
دئدی ای روح و روانیم سنه کیم وئردی شفا
قیز دئدی اوندا که سن منزلی ترک ائتدون آنا
عرشۀ بختیمه سیرینده بیر اولدوزگلدی
ناگهان منزیلیمه خورداجا بیر قیز گلدی
حرکت وئردی اطاقدا گُله بنزر دوداقا
گوستروب مهر و وفا شامیده ناخوش قوناقا
دئدی دور یاتما دئدیم من دورا بیلمم اَیاقا
یوزومه اِئتدی اُطاقیمده طبیبانه نگاه
یِرییرسن دئدی اوّلده دئسون بسم الله
گل سنی معجزه دن آی ننه اگاه ائلییم
الینی چکدی ایاقلاریمه دوردوم یریدیم
تئز ایاقینه دوشندیم ائوین آباد دئدیم
دئدیم آدون ندور ای کعبه عزّت حاجیسی
دئدی آدیمدی رقیّه علی اکبر باجیسی
نه رقیه آنا سالارشهیدان بالاسی
گورمه لی بیرخانمیدی منه گَلسون قاداسی
قند تک هر سوزی شیرین یوزی بیر آی پاراسی
سن گلنده دئدی من گِئتدیم او فرخنده مقام
مندن امّا یتوررسن آنووا چوخلی سلام
نه رقیه لقبی گوهر عصمت محکی
خبره سی اولسا آلار بیرباخیشی نُه فلکی
قویوب حیرتده گوزلیکده جناندا ملکی
شیعه سی اولسون هاچان جام شرفدن دویاسان
دوندریب آدیمی لبناندا رقیه قویاسان
دین اسلامه گلوب عورت پاکیزه خصال
اولدی عُقباده اودا صاحبۀ شأن و جلال
گلدی بازاره خرید اِیلمگه دلده ملال
دولانوب هم ئوزینه هم قیزینا قاره آلوب
هم رقیّه آدینا خورداجا گوشواره آلوب
ترک ائدوب کوچه و بازاری گلوبلر اطاقا
بوکدولر اوزلرینی قاریه باشدان ایاقا
آنا گلدی دیله گوشواروی سالما قولاقا
چون طبیبون دوولوب قلبی ملالیله دولوب
باباسیندان سورا گوشواره لری غارت اولوب
الغرض چیخدی اطاقیندن ایکی محترمه
اولدولار زایر اوگون منبع لطف وکرمه
اوخویوب اذن دخولی یتوشوبلر حرمه
خانیمون خورداجا قبری ساتاشوب گوزلرینه
سیل اشگی اولارون گوزدن آخوب یوزلرینه
بالیا دوتدی یوزین گلدی آناسی سخنه
دئدی قبرایچره یاتان قیزدی شفا وئردی سنه
چالمیوب عمه سی چوخ لای لای او وجه الحسنه
خوشدی آغوشوه سن خورداجا قبری آلاسان
عوضیمده اوشیرین دیل قیزا لای لای چالاسان
آناسیلان بالاسی ایله دیلرترک رواق
حرمون آیچره نوائیلن اولار آتدی ایاق
قیزضریحی آلوب آغوشه اوپه قویدی دوداق
عرض ائدوب قبریوه قربان اولوم ای حوریّه
دولتوندندی بهشت اولدی منه سوریّه
ای حسین بن علینون یوزی گویچک بالاسی
جان وئرنده ملیین باشینون اوسته آناسی
فلجیدیم ویریلاردی منه چوخ دیل یاراسی
آری نصرانیه ده مرحمتون شامل اولار
قابل انسانون عطاسی اوزی تک قابل اولار
لایلای ای شاه وگدا صحن و رواقیندن اوپن
لایلای ای منتّیلن حوری ایاقیندن اوپن
لایلای ای عمّه سی یولاردا دوداقیندن اوپن
لایلای ای تیرمحن قلبینی اوچ یاشدا بولن
لایلای ای شامیده زنداندا گوزی یولدا ئولن
لایلای ای داع داشا چوللرده صداسی یاییلان
لابلای ای غمزده قیزلاردا عمی باش ساییلان
لابلای ای شمری گورنده یوخودان تز آییلان
لابلای ای چشم پر آبینه دوشن قانلی لکه
لابلای ای غملری تأثیر ایدن حور و ملکه
شاعر : فخرالشّعرا،خادم الرضا استاد معزّی اردبیلی
*****************
مقام والای حضرت سید الشهدا (علیه السلام)
و شفا یافتن مرحوم آیت الله بروجردی
یا حسین مرتبتون رتبه والادی آقا
روز خلقتده آدون زینت اسمادی آقا
گورمگه جنتی عاشقلروه یوخدی نیاز
گلسه هریرده آدون جنت الاعلادی آقا
آغلاماق مردیه مکروهیدور اما سنه یوخ
حشریده یانمیاجاق ناره مبرّادی آقا
هرحسینچی سنی مولا تانیا دوز چاغورا
قبریده گورمز اوزون یکّه وتنهادی آقا
سن گلرسن باشینون اوسته قرانلوق ائوینه
یتیشر سندن اونا نعمت آزادی آقا
قبرینون داشینه وورسون الووی فکرائدورم
الون الله الیدی دست توانادی آقا
حجرالاسود اولار قبرینون اوستونده کی داش
صاحب معجزه دور فاطمه اولادی آقا
کیم اوزون آغلیانا قوشسا بهشته گیده جک
ویریلر اللرینه قصرینون اسنادی آقا
وورسا کیم سینه جهنم اودونا یانمیاجاق
یوز وئرور حشریده سینه وورانا شادی آقا
آیت الله بروجردی شریف فقها
مرجع شیعه اولوب صاحب فتوادی آقا
بویوروب روز عزا گوزلریم آغروردی منیم
دئدیم البته باخار فخر اطبّادی آقا
ایسلادوب تپراقی چکمیشدی جماعت یوزینه
هامی سسلوردی سوسوز کشته اعدادی آقا
منده تربت تک آلوب تپراقی چکدیم گوزرمه
قلب ائویمده یارادوب خانه آبادی آقا
ناگهان گوزلریمه نور گلوب آغری گیدوب
هر زمان شیعه لره نعمت عظمادی آقا
بیر نگاهینده اوگون گوزلریمه ویردی شفا
گوز ویرر کوره باخاندا بیله مولادی آقا
یاحسین سسلیون هرماه عزا قاره گیون
ساخلیون تعزیه سین شافع عقبادی آقا
ای بروجردیه رافتله باخان باخ بیزه ده
هر مریضه نگهون عالی مداوادی آقا
شاعر : استاد معزی اردبیلی
******************
مناجات
بارالها عاشقم دیوانه ام
شمع عشقیمدورحسین پروانه ام
عشقیده آزادیدور دیوانه لر
یاندیرا شهپر گرک پروانه لر
ناقصم عشقیمده پر یاندیرماسام
نارسه روشن سوزی آندیر ماسام
خلقتونده بیر محقّر بنده ام
ائتمیشم خبط خطا شرمنده ام
اللی ئیلده ایلدیم بی حد گناه
روسیاهم روسیاهم روسیاه
گئچ گناهیمدن به حق فاطمه
قلبیمه دوشمیش شرار حاطمه
قاره می ماه محرم باغلارام
سینه وورام من حسینه اغلارام
حشریده سایماز منی قارداشلاریم
دردیمه بیلَّم دگر گوز یاشلاریم
گونده بش وقته عبادت ایلرم
امریوه دلدن اطاعت ایلرم
سینه می مین درده آماج ایلمه
سن منی نامرده محتاج ایلمه
باده یارب آرزوئیم گئتمسین
اللریمدن آبروئیم گئتمسین
بیرگونی آخر منیم جانیم چیخار
صبر سرحدین پریشانلق یخار
اوندا امر ایله مقدس یاریمه
جان چخان ساعت گله دیداریمه
صورت رحمانی دوندر قبریمه
عاشقم جانانی گوندر قبریمه
شاعر : استاد معزی اردبیلی
*******************
روایت ابن ثعلب از حضور ملائک زائر کربلا در
محضر حضرت امام جعفر صادق (علیه السلام)
صادق آل عبا کنز دیانت گوهری
خلق ایدن شیعه لره مذهب اثنی عشری
قویمیان پنجه ذلّتده وجود بشری
یتیشوب مکتبنه درس مبارز علما
اجتهاد حکمی الیندن آلا گلدی فقها
مکتبنده عرفایه دانشوب عرفاندان
عاشقه صحبت ایدوب مرحمت جاناندان
اهل قرآنی گوروب درس ویروب قرآندان
یازدیلار لوح دله حضرت صادق سوزینی
در با عزّتینه قویدی ملک لر یوزینی
ابن ثعلبدی ویرن شیعه لره بو خبری
واریدیم خانه معصوم ده شام و سحری
حضرتون اولموشیدی چوخ منه لطف و نظری
بیر گونی صحن و سرانی بورودی عطر بهشت
ترک ایدور منزلی گوردوم نچه پاکیزه سرشت
گورمه میشدی ایله بیر قومی بو دنیاده گوزوم
بولار الله کیمیدی گِتدیلر اولموشدی سوزوم
هاموسی غائب اولوب قالمادی قلبیمده دوزوم
محضره حضرت صادقده دیدیم جریانی
او گلن لر کیمیدی گتدی گوزون قربانی
قالخزوب باشین امامت گونی گفتار ایلدی
او گلن لر ملکیدی منه اظهار ایلدی
صاحب امریلن هر تک تکی دیدار ایلدی
گِتدیلر کرب و بلا سمتینه دل داغلاماقا
نعشی گونلر قباقیندا قالانا آغلاماقا
گِتدیلر نهر فراته باخالار دلده نوا
دیه لر یاندی سنون خاطریوه آل عبا
شاه لب تشنه خداونده سوسوز اولدی فدا
وار یری گونده حسینچی سنی شرمنده گوره
ساربان اللرینی کسدی کمربنده گوره
گِتدیلر صحن سراده گوزی یاشلی قالالار
قبر ششگوشه سینی شوقیله آرایه آلالار
اکبرون درد و غمی قلبیلرین چوخ یارالار
پایین پاده دیه لر یاتان اللرده ئولوب
قاننه قانلی مناده باتان اللرده ئولوب
گِتدیلر آغلیالار بلبل باغ و چمنه
یعنی پستان یرینه زهریلن پیکان امنه
نهر علقمده اوزون قولاری تندن دوشنه
هاموسی ناله کنان اولدیلار آماده اولار
گِتدیلر آغلاماقا قاسم ناشاده اولار
شاعر : استاد معزی اردبیلی
***********************
خروج از مدینه
سالار شهیدان ائدوب آماده قطاری
یثربده گجه عازم اولا مکیّه ساری
صغری بوش اطاقدا اوزونی قالمالی بیلدی
گفتاره گله اشگینی رخساریده سیلدی
عرض ائتدی بابا قویما فراقوزده یانوم من
آخشام چاقیلار گوزلری یولدا دایانوم من
سایونده سنون ایستیورم دالدالانوم من
احوالیمه باخ چک الیوی باشیمه گئتمه
ناخوش قیزوام رحم ائله گوزیاشیمه گئتمه
گئتسونده اگر قوش منی نسوان عزیزه
البته نیازوز اولاجاق یولدا کنیزه
خدمتچی گئدوم یوسف زیبای حَجیزه
کاکلّرینه قونسا اگر توز یووارام من
حتی باشینون اوسته گجه سو قویارام من
گر قالمالیام اکبر زیبانی آپارما
بیز هاشمیه ماه درخشانی آپارما
قالسین منیله فاطمهٔ ثانی آپارما
گل یوزلی باجیم نازلی رقیه قالا خوشدی
ائومیزده علی اصغره لایلای چالا خوشدی
حضرت دئدی صغری،علی اکبر قالا بیلمز
اسپهر وفایه مه انور قالا بیلمز
عمّونده گئدور ائوده مکدّر قالا بیلمز
پژمرده ائدوب روحیمیزی آل امیّه
لایلای چالاجاق اصغره یوللاردا رقیه
بیز آل عبا خوش بیلروک ذکر و دعانی
توکمه سفرا و ستونده یوزه اشگ روانی
قال ایله دعا قافله ی کرب و بلانی
قیزلاری ستاره سیاقی ماهوه تاپشور
آزاده مسافرلری اللهوه تاپشور
ترک ائتدی ائوی فاطمه نون نور دوعینی
پوزمشدی فراقین غمی رخسار حسینی
اوپدی او گجه قبر رسول الثقلینی
عرض ائتدی بابا غصه لیم صحبته گلدیم
جان اوسته منی درک ائده سن دعوته گلدیم
لعنت او معاویهٔ می شوم و پلیده
ئولدی یتیشوب سلطنتی اوغلی یزیده
بیرنامه یازوب شامیده گوندردی ولیده
مجلسده یوزون دوتدی منه والیِ جانی
تأیید ائله سنده دئدی سلطان جوانی
مسجدده جوابین کی دئدیم ایلرم اعلان
قویما گئده فرزند رسولی دئدی مروان
آل بیعتی بعداً گئده بو حجت سبحان
مروانه آجیقلاندیم ائشیتدی سسی اکبر
آچدی قاپونی شیر تک عباس دلاور
مروان اورگین نعرهٔ تکبیریده سیخدی
بیر آنیده دوتدی یاخاسیندان یره یخدی
اولدورسون اونی سینه سینون اوستونه چخدی
زهرانی قسم وئردی منه دشمن نادان
مروانی دئدیم عفو ائله قوللاروه قربان
گئتدیم قاباقا عطر شه خیبری آلدیم
مین حسرتیلن قوللاریمی بوینونا سالدیم
بیر قدری اباالفضلیمیلن یوزیوزه قالدیم
لبریز اولونوب کاسهٔ مهریم یوزون اوپدوم
آغوشه چکوب حیدر اوپن صاق گوزون اوپدوم
ای ختم رسل حامی اولان آل عبایه
دور سال یولا گیزلین گئدورم کرببلایه
مستغرق اولار اهل حرم بحر بلایه
زهرا ننه می کرب و بلایه گتوررسن
معناده یولا باشین عزایه گتوررسن
قبر اوسته یوخی دوتدی شه تشنه لبانی
رؤیاده گوروب چوخ نگران خیر ورانی
دلبندینه فرمایش ائدوب دلده فغانی
اولما نگران مقصد و منظوره چاتارسان
اؤز قانوه صحرای غم افزاده باتارسان
آز قالدی سولا فاطمه نون گلشن و باغی
آز قالدی سونه کرب و معلاده چراغی
آز قالدی گوره قلبون حسینیم بالا داغی
باران کیمی رخساروه گوزیاش توکه جکسن
اعضاسینی میداندا عبایه بوکه جکسن
آز قالدی ئوله قاسم شهزاده ی زیبا
آز قالدی وئره قوللارین عباس توانا
آز قالدی گوره گؤزیاراسی ماه دل آرا
قوللارینی میدانیده یردن گوتوررسن
امکانی گر اولسا باشی اوسته گتوررسن
آز قالدی ستاره کیمی اصغرده سوزولسون
آز قالدی قوجاقونده سوسوز حلقی اوزولسون
آز قالدی قانی دوشلوگونون اوسته دوزولسون
اوخ یاره سینی کوی نگارونده اؤپرسن
قانیندن حسینیم بیر اووج عرشه سپرسن
آز قالدی دوتا خیرداجا قیزلار اتگوندن
آز قالدی دگه زهریلی پیکان اورگوندن
آز قالدی چیخا زحمتیلن اوخ کوره گوندن
قورخار بالالار باد مخالف اسیلنده
سو وئرمیه جکلر سنه باشون کسیلنده
توک گوزباشینی صفحه ی رخساره معزّی
دوز ویرسون حسین یازدیقون اشعاره معزی
مجلسده یاپشسون سوزون حضّاره معزی
هر ماه محرمده اولار قاره گیللر
سر مطلع اشعاریوی یوللاردا دیه للر
شاعر : استاد معزّی اردبیلی
*********************
حدیث کساء و گریز به قتلگاه
پیغمبر گرامی خدانون عطاسیدور
اُمّتلرون جهاندا بویوک پیشواسیدور
قبل از ابوالبشر یارانوب نوری احمدون
روز اَلستیدن بشریت صفاسیدور
جاه و جلال و عزّته باخ احترامه باخ
تعریف ایدن مُحمّدی اوّل خداسیدور
پاک و منزّه اولماقینا گوندروب پیام
مصداقی باخ خبرده حدیث کساسیدور
بیر گون نماز ظهری قیلوب ختم الانبیا
اذکار جادوانه سی روحون غذاسیدور
وئرمیشدی یوز کسالت اطبّا طبیبینه
زهرا ائوی بیلوردی کی دارالشّفاسیدور
گتدی عبانی، چکدی رسول اللّه اوستونه
هر لحظه مونسی سخن ربّناسیدور
وارد اولوب اتاقه حسن عرض ایدوب سلام
ضعف حالیده سلامین آلان اوز باباسیدور
عطر رسول حقّی آلوب ائوده مجتبی
بعداً گلن حسین شهدانون آقاسیدور
مثل حسن سلام ویروبدور حسینیده
گنجینده حضرتون گُهر پربهاسیدور
گلدی ابوالائمّه سلام و درودیلن
صاحب کرمدی شیعه لرون رهنماسیدور
زیر عباده رخصت آلوبلار قالوبدیلار
احکام کردگارون اولار باوفاسیدور
حاصل همان عباده ده زهراده گورسنوب
پیغمبرون عزیزه سیدور دلرباسیدور
پروردگاره عرض ایلدی ختمی مرتبت
هر آن حضور پاکووه مندن سپاسیدور
مشکل گشا علی ایکی اوغلی حسن حسین
مشتاقیدور بولار اوچیده دین فداسیدور
زهراده گُلشنیمده گوزل گولدور ئیلرم
عزّتده یوخ نظیری ائمّه آناسیدور
آلِ عبا جهاندا منه اهل بیتیدور
قانیمدی قانلاری هاموسی حق شناسیدور
اینجیتسه اهل بیتیمی کیم اینجیدوب منی
راز و نیازیمون بو سخن محتواسیدور
رِجس و پلیدی سالمیا یول خاندانیمه
هر تک تکی اَوامروون آشناسیدور
امر ایلدی مَلَکلرینه ربّ ماسوا
سس لنگر سما و زمینون صداسیدور
افلاکی من پیمبره خاطر یاراتمیشام
زیبا جمالی نُه فلکون مه لقاسیدور
زیر عباده کیمدی اولار جبرئیل دئدی
تز سس یتشدی فاطمه دور مصطفاسیدور
زهرا دی افتخار زنان مجلّله
ئوز صاحبی اباالحسنی مرتضاسیدور
زهرا دی مکتب نُجبانون مؤسسی
آرام جانیدور حسن المُجتباسیدور
زهرا دی سینه سینده فدا دینه بَسلین
مظلوم حسین آدینلی مطّهر بالاسیدور
روح الامین دئدی منه ده اذن ویر گئدیم
اهل کسا خلایقوون دلگشاسیدور
اذن آلدی ،آیه گتدی کی قرآندا ثبت اولوب
مضمون آیه رحمت خیرالوراسیدور
منلن دئدی سلام سنه گوندروب خدا
پیغامیده فضیلت آلِ عباسیدور
اللّه سنه گوره یارادیبدور عوالِمی
پیغمبریم بویوردی سعادت هُماسیدور
خلقتده چوخ مُطهّر ایدوب اهل بیتوی
زهرا قیزون محجّبه لر باحیاسیدور
قوی من ئوپوم حسین قدمین ایهاالرّسول
ردّ ائتمه جبرئیل امین التجاسیدور
بیر گونده کربلاده حسینی گلوب گوره
باشدان ایاقه جسمی گوروب اوخ یاراسیدور
روی هواده یاره سینه سایه سین سالوب
جسمین یوران دیار غمون گرم هواسیدور
قلبیندن اوچ پَر اوخ وُریلوب تازه قان گلور
جاری اولان گِنه دوداقیندان ثناسیدور
سینه ورور پیمبر اوزی وای حسین دیور
باش پنج تن آچوبدی حسینون عزاسیدور
زهرا دیور یانان اورَگیم یاندی آی بالا
نِی تک گلن نوایه حسین نینواسیدور
بش مینجی جلددَه ویریلور چاپخانه ده
دوش سجدیه (مُعزّی) خدانون عطاسیدور
شاعر : معزی
باب الحوائج حضرت موسی بن جعفر (علیه السّلام)
الله الله تنگه گلدی محبسنده پیر عشق
حضرت موسی بن جعفر شخص بی تقصیر عشق
عبدصالحدور آچوبدور قبلیه سجاده سین
هرنمازینده امامون قوزانور تکبیر عشق
عمق زندانین سوال ایتسوز اگر قرخ پله دور
دم به دم افلاکه قالخور ناله شبگیر عشق
باغلانوب محکم مبارک گردنیندن سلسله
فرض ایدوب مولا آغور زنجیرینی زنجیر عشق
محبسینده ایلیوب کونده ایاقلارین یارا
دلم صیاد جفاکاره دوشوبدور شیر عشق
عالم معناده عشاقی یغوبدور باشینه
آیه تک زندانیده عاشق ایدورتفسیر عشق
گوشه زندانیده راز ونیازینده دیور
قلبیمه یارب وورولسون من رضایم تیر عشق
ظاهرا مظلومم اما غالبم ظالملره
اممیشم پستان مادردن امنده شیر عشق
عاقبت بغدادیده هارونی نفرینیم دوتار
حاکم جباری قصرینده یخار شمشیر عشق
یاره لندی گردنیم یارب آغور زنجیردن
مونسیم زنداندا اولمش آیه تطهیر عشق
عشق پاکیمدن خمارم کونده رنجین بیلمرم
عاشق اولماز عالم عشقینده ذره سیرعشق
سیلی ضربندن یوزوم گوی یاپراقا بنذرمنیم
تابعم ،تابع الهی هر ندور تقدیر عشق
سجده گاهیمده گوزوم چالدی قرانلوق سیلی دن
قلبیمی رام ایتدی اما شور عالمگیر عشق
من حسین تک امتحاندا شخص اول اولمارام
تابع عشق حسینم من،حسیندور میر عشق
داش وورولدی آلننا قان دولدی زیبا گوزلره
بیر نگاهینده مناده ایلدی تسخیر عشق
قلبینه اوچ شعبه اوخ دگدی بولوندی اوچ یاره
چکدی قلبیندن چخارتدی ویرمدی تغییر عشق
یاره لی قیلدی نمازین پایدار اولسون نماز
ووردولار رکن الصلواتی ایتدیلر تکفیر عشق
ال گوتوردی پیشگاه پاکووه میدانیده
عرض ایدوب یارب بیلورسن منده یوخ تزویرعشق
ورودی امضا لوحیه زرعالمی ای لامکان
عشقوی ویردون اولده اولمادی تاخیر عشق
لوحه حکمت شروطین سربه سرچخدم باشا
آختارور گر هانسی عاشق منده دور اکسیر عشق
عشق بازارینده اولدون مشتری گوهرلره
الی یدی ایلده گوردوم درنابی زیر عشق
یا امام موسی کاظم قلیزاده گلوب
التماس ایلر(معزیده )الوبدور پیر عشق
شاعر : استاد معزّی اردبیلی
نظرات (۰)
هیچ نظری هنوز ثبت نشده است