نوحه سن آت اوسته پای پیاده من نقدر قاچیم دایانیم بابا حاج سلیم موذن زاده
دانلود صوت کامل نوحه ترکی سن آت اوسته پای پیاده من نقدر قاچیم دایانیم بابا با صدای حاج سلیم موذن زاده - سال 1392 - همراه با پخش آنلاین و متن کامل نوحه
سن آت اوسته پای پیاده من نقدر قاچیم دایانیم بابا
سنی عمه مون جانی بیر دایان باشوا گلیم دولانیم بابا
بو یول اوسته ایستورم اگلشوب سنه بیرجه درد دل ایلیم
ئولوم ایسته جانیمی قورتاریم داخی سنسیز عالمی نیلیم
نوحه ترکی سن آت اوسته پای پیاده من - حاج سلیم موذن زاده اردبیلی - سال 1392
متن نوحه سن آت اوسته پای پیاده من نقدر قاچیم دایانیم بابا
سن آت اوسته پای پیاده من نقدر قاچیم دایانیم بابا
سنی عمه مون جانی بیر دایان باشوا گلیم دولانیم بابا
بو یول اوسته ایستورم اگلشوب سنه بیرجه درد دل ایلیم
ئولوم ایسته جانیمی قورتاریم داخی سنسیز عالمی نیلیم
دیمه گوشواره می آلموسان اوره گیم سنوبدی گلیلیم
نقدر مصیبته تاب ایدیم نقدر دوزوب دایانیم بابا
دایان ایندی قلب شریفوی بو یانقلی آهمه داغلا گیت
دوشنیم ایاقوه ئولممش باشیم اوسته اگلشوب آغلا گیت
گیدوسن دالونجا باخانمورام ایله گوزلریمده باغلا گیت
گوزی باغلی دوت الیمی ئوزون باشوا دوروب دولانیم بابا
باشیمی اوجاتمشیدی منیم بابا جان بو سایة رحمتون
هامیدان علاوه بو بیکسه واریدی همیشه محبتون
منه نسبت ایندی ندن بله آزالوبدی لطف و کرامتون
بو اسفلی آیریلیقی مگر نجه ایندی سهل سانیم بابا
بو یول اوسته من اوتوروم بابا پوزولان بو حالوه آغلیوم
باشوا و یا دولانیم سنون داغلان جلالوه آغلیوم
منی آل قوجاقوه یوز قویوم سارالان جمالوه آغلیوم
اولا سینون اوسته فدا سنه یورولان ضعیفه جانیم بابا
ویر اجازه شمره گیدوم دیوم اورگوزده کینه نی ئولدورون
نه یانون شرارة دوزخه نه ولی ذوالمنی ئولدورون
سنی گورسدیم قوشونا دیوم بونی بوشلیون منی ئولدورون
علی اصغریم کیمی اوخلانام سَپَه سن سمایه قانیم بابا
سوزومی قبول ایله هجر اودون بابا خسته قلبیمه ورماسن
قوی علی اصغریلن یاتوم منی آغلادوب بیله یورماسن
گوتور ال دعا ایله قوی اولوم منی اصغریمندن آریرماسن
دیمسون هایاندا قالوب منیم گجه لایلای چالانیم بابا
بلوسن محبت اسیریم آتا سیزلقا دوزه بلمرم
منی سن سینونده بیوتمسن اتگونندن ال اوزه بلمرم
سویونوب بو شامون اوزاق یولون من ایاق یالین گزه بلمرم
گلی خاره تاپشوروسان نجه دایانیم بو اودا یانیم بابا
کرم ایله (( منزوی )) قبریوه گله آه و داد و نوائیلن
اولا هم جوانیله همسفر گله هم غلام رضائیلن
اوخیا کنار ضریحده بو سوزی لباس عزائیلن
ویره سن اجازه اوزومده بیر گلوب اشگیمه بویانیم بابا
نظرات (۰)
هیچ نظری هنوز ثبت نشده است