نوحه سنه یا حسین یوزومنن آچیلان نقابیم آغلار با صدای حاج سلیم موذن زاده
دانلود صوت کامل نوحه قدیمی سنه یا حسین یوزومنن آچیلان نقابیم آغلار با صدای حاج سلیم موذن زاده اردبیلی - سال 1357 - همراه با پخش آنلاین و متن کامل نوحه
مداحی کمیاب و قدیمی سالهای قبل از انقلاب حاج سلیم موذن زاده
نوحه سنه یا حسین یوزومنن - حاج سلیم موذن زاده سال 1357
متن نوحه سنه یا حسین یوزومنن آچیلان نقابیم آغلار
سنه یا حسین یۆزۆمدهن، آچێلان نقابیم آغلار
باشێم اۆسته ذرّه ذرّه، دۆشهن آفتابیم آغـلار
اۆرهگیمده مه جمالون، اێشێقێن گؤرهن گؤزۆم وار
منه بیر چێراغ-ی-شبدیر، بۇ چێراغه نه سؤزۆم وار
گئجهلر یۇخۇ یوْخۇمدۇر، کی قاباقدا گۆندۆزۆم وار
اوْ بلالی گۆندۆزۆمه، شب-ی-ماهتابیم آغلار
یارالێ باشۇن جیداده، ائلییهن زمان تجلّا
من-ی-بینوایه تاریک، اوْلۇ روشنای-ی-دونیا
ائله یاندێران دیلیله، دییهرهم حسین حسین وای
اۇجالان سسیمه مُلحق، اوْلۇر اؤز خیطابیم آغلار
نه قدهر ساغام بلادهن، غم-وْ درد دیر حوالَم
ائله کی گؤزۆم یۇمۇلدۇ، قۇتارۇب کسیلدی نالَم
منی قوْیدۇلار مزاره، دوْلانۇر مدار-ی-عالم
لَحد آلتدا توتیا تک، تؤکۆلهن تُرابیم آغلار
گؤزۆمۆن یاشێ غموندا، قارا مُشگنابه بنزهر
تؤکۆلهنده سینوْن اۆسته، دوْلانۇر گۆلابه بنزهر
دوْلاشێبدێ گردنیمه، هؤرۆگۆم طنابه بنزهر
اوْ طنابه قوْللارێمدان، وۇرۇلان طنابیم آغلار
تؤکهر اوْل قلملری کی ورقه قارا مُرکّب
اوْ قارا مُرکّبیله اوْلۇ شرح-ی-حال زینب
قلمون گُزارشیندهن اوْخۇناندا غملی مطلب
خبر-ی-مُصیبتیمده یازێلان کیتابیم آغلار
داغێداندا اشگ-ی-توفان، یئره چشم-ی-غم نیگاهیم
اوْنۇ خُشک ائدهر اۆرهکدهن چێخان آتش-ی-سییاهیم
ایکی ضدّیلهن موافق اوْلۇر ابر-ی-دود-ی-آهیم
اوْدۇلان سۇ اۆسته شبنم، اَلهیور سحابیم آغلار
حَرم اهلینین صفیندهن گلیر هر بیری نوایه
وئری کاروان-ی-ماتم، اوْنۇلان صدا-صدایه
هامۇدان چوْخ آغلارام من، اوْ نوای دلرُبایه
کی گۆناهسیز بالاسێ، وۇرۇلان ربابیم آغلار
سنی سسلهرهم برادر منیله دانێش جیداده
سسیوی ائشیتمهرهم چون، گلیرهم فغان-وْ-داده
اوْ محاسن-ی-شریفون نئجه تیترهیور هواده
ائدهر اضطراب اوْنۇن تک، دل-ی-پیچ-وْ-تابیم آغلار
نظرات (۰)
هیچ نظری هنوز ثبت نشده است